మీసేవ వద్ద వృద్ధులపై పోలీసుల లాఠీఛార్జ్

నగరంలోని ఓ మీ సేవ కేంద్రం వద్ద పోలీసులు రెచ్చిపోయారు. వరదసాయం కోసం దరఖాస్తు చేసేందుకు వచ్చినవారిని విచక్షణారహితంగా కొట్టారు. వరుసలో ఉన్న ఓ వృద్ధులపై లాఠీతో విరుచుకుపడ్డారు. హైదరాబాద్​లోని టప్పాచబుత్ర పోలీస్​స్టేషన్​లో పరిధిలో ఈ ఘటన జరిగింది.

వరదసాయం కోసం మీసేవ కేంద్రానికి వచ్చిన వారిని నిలువరించేందుకు పోలీసులు లాఠీకి పనిచెప్పారు. వరుసలో నిలుచున్న వారిపై విచక్షణారహితంగా దాడిచేశారు.

హైదరాబాద్​లోని టప్పాచబుత్ర పోలీస్​స్టేషన్​లో పరిధిలో మోహిని ఫంక్షన్​హాల్ సమీపంలో బాలాజీ మీ సేవ కేంద్రం వద్ద ఘటన జరిగింది. అక్కడే వరుసలో ఉన్న ఎంఏ ఖాన్​ అనే వృద్ధునిపై లాఠీతో విరుచుకుపడ్డారు. దీంతో అక్కడున్న ప్రజలు ఒక్కసారిగా భయాందోళనలకు గురయ్యారు.

ఇదీ చూడండి:'అప్పుడు ఓడించారు.. ఇప్పుడు అబద్ధపు ప్రచారం చేస్తున్నారు'