అక్రమంగా నిల్వ ఉంచిన రేషన్ బియ్యాన్ని హైదరాబాద్ జియాగూడ ఇమాంపురాలోని ఓ గోదాంలో పోలీసులు పట్టుకున్నారు. పక్కా సమాచారంతో దాడులు నిర్వహించారు. సుమారు 40 క్వింటాళ్ల బియ్యాన్ని, ఒక వ్యాన్ను స్వాధీనం చేసుకున్నారు. నిందితుడు సమీర్ కొంతకాలంగా రాజేందర్నగర్, పాతబస్తీ, జియాగూడ తదితర చోట్ల రేషన్ డీలర్లతో చేయి కలిపి ఈ అక్రమ దందాకు తెరలేపాడు.
నకిలీ రేషన్ కార్డులు సృష్టించి పీడీఎస్ బియ్యాన్ని కొనేవాడని.. అనంతరం వాటిని బ్లాక్మార్కెట్కు తరలిస్తున్నాడని పోలీసులు గుర్తించారు. సమీర్పై వివిధ సెక్షన్ల కింద కేసులు నమోదు చేశారు. దందా బాగోతాన్ని పలు కోణాల్లో దర్యాప్తు చేస్తున్నట్లు కుల్సుంపుర పోలీసు ఇన్స్పెక్టర్ శంకర్ వెల్లడించారు.
ఇదీ చూడండి: CM KCR REVIEW: పల్లె ప్రగతి, పట్టణ ప్రగతిపై అధికారులతో సీఎం భేటీ
