రాష్ట్రంలో విద్య, ఉద్యోగాల్లో ఆర్థికంగా వెనకబడిన తరగతులకు రిజర్వేషన్ కల్పించాలని కోరుతూ.. భాజపా ఓబీసీ మోర్చా రాష్ట్ర అధ్యక్షుడు ఆలె భాస్కర్ రాజ్తో పాటు దోరేటి ఆనంద్ గుప్తా అనే వ్యాపారి హైకోర్టులో ప్రజా ప్రయోజన వ్యాజ్యం దాఖలు చేశారు. ఈడబ్ల్యూఎస్ కోటా అమలు చేయకపోవడం రాజ్యాంగ విరుద్ధంగా ప్రకటించాలని పిటిషన్లో పేర్కొన్నారు. ఈ విద్యా సంవత్సరం ప్రవేశాలతో పాటు రానున్న ఉద్యోగాల నోటిఫికేషన్లో ఈడబ్ల్యూఎస్ కోటా అమలు చేయాలని కోరారు. రాష్ట్రంలో ప్రస్తుతం ఎంబీబీఎస్, బీడీఎస్లో మాత్రమే అమలు చేస్తున్నారని.. ఇంజినీరింగ్, మేనేజ్మెంట్ వంటి ఇతర కోర్సుల్లో అమలు కావడం లేదని తెలిపారు.
ఈ కోటా కింద 10శాతం రిజర్వేషన్ అమలు చేస్తూ 2019లో రాజ్యాంగ సవరణ చేశారని పిటిషన్లో పేర్కొన్నారు. ఐఐటీ, ఎన్ఐటీ, ఐఐఎం వంటి కేంద్ర విద్యా సంస్థల్లో అమలు చేస్తున్నారని తెలిపారు. కానీ రాష్ట్రంలో అమలు కాకపోవడం వల్ల ఆర్థికంగా వెనకబడిన విద్యార్థులు నష్టపోయారని అన్నారు.
ఇదీ చదవండి: 'ఓటుకు నోటు కేసు అ.ని.శా. కోర్టు పరిధిలోకి రాదు'
