మూసి ఉన్న మద్యం దుకాణాలు, వ్యాపార సముదాయాలు, ఏటీఎం కేంద్రాల్లో చోరీలకు పాల్పడుతున్న నలుగురు సభ్యుల ముఠాపై సైబరాబాద్ పోలీసులు పీడీ చట్టం ప్రయోగించారు. వరుసకు సోదరులైన షేక్ అజ్జు, ఖాదర్, ఖయ్యూంలు అశోక్ అనే మరో వ్యక్తితో కలసి సైబరాబాద్ కమిషనరేట్ పరిధిలో అనేక చోరీలు చేశారు. ద్విచక్రవాహనాలపై తిరుగుతూ తాళాలు వేసి ఉన్న దుకాణాల్లో దొంగతనాలకు పాల్పడేవారు. అనంతరం ఆధారాలు లేకుండా సీసీ కెమెరాలను ధ్వంసం చేసేవాళ్లు. ఏప్రిల్ 22న షామీర్పేట్ పోలీసులు వీరిని అరెస్ట్ చేశారు. తాజాగా వీరిపై పీడీ చట్టం ప్రయోగిస్తూ సీపీ సజ్జనార్ నిర్ణయం తీసుకున్నారు. ఈ చట్టం ప్రకారం ఈ ముఠా సభ్యులు ఏడాది పాటు జైలు శిక్ష అనుభవించాలి.
నలుగురు సభ్యుల దొంగల ముఠాపై పీడీ చట్టం
ఇవీ చూడండి: నమ్మించి మోసం చేశాడు... వితంతువు ఆవేదన
