సికింద్రాబాద్ బరిలో జనసేన

లోక్​సభ ఎన్నికల్లో జనసేన తెలంగాణ నుంచి పోటీ చేసే అభ్యర్థులను ఒక్కొక్కరిగా విడుదల చేస్తోంది. ఇప్పటికే మల్కాజిగిరి అభ్యర్థిని ప్రకటించిన పవన్​... సికింద్రాబాద్ నుంచి నేమూరి శంకర్ గౌడ్​ పేరు ఖరారు చేశారు.

జనసేన పార్టీ రెండో జాబితాను విడుదల చేసింది. ఏపీలో 32 శాసనసభ స్థానాలకు, 5 ఎంపీ స్థానాలకు అభ్యర్థులను ఖరారు చేశారు. అర్ధరాత్రి 2గంటల సమయంలో పార్టీ అధ్యక్షుడు పవన్ కల్యాణ్ పేర్లను ప్రకటించారు. అందులో ఒకటి తెలంగాణలోని సికింద్రాబాద్ స్థానం కూడా ఉంది. ఇక్కడి నుంచి జనసేన అభ్యర్థిగా నేమూరి శంకర్ గౌడ్​కు అవకాశం కల్పించారు. రెండురోజుల క్రితం మల్కాజిగిరి స్థానానికి మహేందర్ రెడ్డి పేరును ప్రకటించారు. మిగతా స్థానాలపై మరో రెండు రోజుల్లో స్పష్టత వచ్చే అవకాశముంది.

ఇవీ చదవండి:నేటి నుంచే నామపత్రాల స్వీకరణ