గ్రేటర్ హైదరాబాద్లో 2019-20 ఆర్థిక సంవత్సరం వరకు ఆస్తి పన్ను బకాయిలపై ఉన్న వడ్డీని 90 శాతం వరకు మాఫీ చేసే వన్ టైం సెటిల్మెంట్ పథకం ప్రకారం బకాయిలు చెల్లించేందుకు మరో వారం రోజులు మాత్రమే మిగిలి ఉంది. ఈనెల 31లోపు చెల్లించి వడ్డీ రాయితీ ప్రయోజనాన్ని వినియోగించుకోవాలని జీహెచ్ఎంసీ కోరింది.
2020-21 ఆర్థిక సంవత్సరానికి గానూ రూ.1,900 కోట్ల ఆస్తి పన్ను సేకరించాలని లక్ష్యాన్ని విధించుకోగా... నేటి వరకు రూ.1,484.10 కోట్లు జీహెచ్ఎంసీ సేకరించింది. ఆర్థిక సంవత్సరం ముగుస్తున్నందున మిగిలిన ఆస్తిపన్ను బకాయిలను పొందేందుకు జీహెచ్ఎంసీ పెద్ద ఎత్తున ప్రచార, చైతన్య కార్యక్రమాలను చేపట్టింది. ఇందుకోసం సంక్షిప్త సందేశాలను ఉపయోగించుకుంటోంది. బకాయిలను సిటిజన్ సర్వీస్ సెంటర్లలో, మీసేవా, ఆన్లైన్, మై జీహెచ్ఎంసీ యాప్లో గాని చెల్లించవచ్చు.
