టోక్యో ఒలింపిక్స్ బ్యాడ్మింటన్ మహిళల సింగిల్స్లో కాంస్య పతకం సాధించిన తెలుగు తేజం, భారత స్టార్ షట్లర్ పూసర్ల వెంకట సింధు నేడు హైదరాబాద్కు రానున్నారు. ఉదయం 11:30 గంటలకు ఢిల్లీ నుంచి బయల్దేరి మధ్యాహ్నం 1:50 నిమిషాలకు శంషాబాద్ విమానాశ్రయం చేరుకోనున్నారు.
ఒలింపిక్స్లో కాంస్య పతకం సాధించి భాగ్యనగరం విచ్చేస్తున్న సింధుకు రాష్ట్ర క్రీడాపాధికారక సంస్థ, క్రీడా అభిమానులు ఘన స్వాగతం పలకనున్నారు. మంగళవారం మధ్యాహ్నం దిల్లీలోని ఇందిరాగాంధీ అంతర్జాతీయ విమానాశ్రయానికి చేరుకున్న సింధుకు అధికారులు, అభిమానులు ఘన స్వాగతం పలికారు. అనంతరం సింధు, ఆమె కోచ్ పార్క్ తే సంగ్కు సన్మాన కార్యక్రమాన్ని ఏర్పాటు చేశారు. ఆ కార్యక్రమంలో కేంద్ర క్రీడా శాఖ మంత్రి అనురాగ్ ఠాకూర్, ఆర్థిక శాఖ మంత్రి నిర్మలా సీతారామన్.. వీరిద్దరిని సత్కరించారు. సింధును ప్రశంసించారు.
