లాక్‌డౌన్‌ సందర్భంగా పౌరులకు సేవలందించేందుకు హైదరాబాద్లో ఏర్పాటు చేసిన ప్రత్యేక కాల్సెంటర్కు ఆదివారం ఒక్కరోజే 506 ఫోన్లు వచ్చినట్లు అధికారులు తెలిపారు. కాల్స్ ఆధారంగా ఆయా ప్రాంతాల్లో సంచార అన్నపూర్ణ కేంద్రాలతో 23,120 ఆహార పొట్లాలు అందజేసినట్లు అధికారులు పేర్కొన్నారు.
కాల్సెంటర్కు ఆదివారం మొత్తం 543 ఫోన్లు వచ్చాయన్నారు. వీటిలో కరోనా అనుమానిత కాల్స్ 14, అంబులెన్సుల కోసం 3, మిగతా కాల్స్ అన్ని ఆహారం కోసమే అడిగారన్నారు. కంటైన్‌మెంట్‌ జోన్లలో ప్రజలకు ఇబ్బందులు తలెత్తకుండా ఏర్పాట్లు చేసినట్లు తెలిపారు. నివాసితుల నుంచి వచ్చిన ఫోన్ల ద్వారా ఇంటికే ఆహారం, నిత్యావసరాలు, మందులు సరఫరా చేశామన్నారు.
