నాకు ఆడియో కాల్స్​ వస్తే.. సజ్జలకు వీడియో కాల్స్​ వస్తాయి: కోటంరెడ్డి

Nellore ycp MLA Kotam reddy updates: ఏపీలోని నెల్లూరు రూరల్ వైసీపీ ఎమ్మెల్యే కోటంరెడ్డి శ్రీధర్ రెడ్డిపై వైసీపీ అధిష్ఠానం కక్ష సాధింపు చర్యలను ప్రారంభించింది. కోటంరెడ్డికి భద్రతను కుదింపు చేస్తూ నేడు ఉత్తర్వులను జారీ చేసింది. తాజాగా కోటంరెడ్డి రాష్ట్ర ప్రభుత్వ సలహాదారు సజ్జల రామకృష్ణారెడ్డిపై విమర్శలు చేసినందుకే ప్రభుత్వం ఈ చర్యకు పూనుకుందని స్థానికులు, పలు పార్టీల కార్యకర్తలు తెగ చర్చించుకుంటున్నారు.

Nellore ycp MLA Kotam reddy updates: ఆంధ్రప్రదేశ్​లోని నెల్లూరు రూరల్ వైసీపీ ఎమ్మెల్యే కోటంరెడ్డి శ్రీధర్ రెడ్డిపై వైసీపీ అధిష్ఠానం కక్ష సాధింపు చర్యలను ప్రారంభించింది. కోటంరెడ్డికి భద్రతను కుదింపు చేస్తూ.. నేడు ఉత్తర్వులను జారీ చేసింది. తాజాగా కోటంరెడ్డి రాష్ట్ర ప్రభుత్వ సలహాదారు సజ్జల రామకృష్ణారెడ్డిపై విమర్శలు చేసినందుకే ప్రభుత్వం ఈ చర్యకు పూనుకుందని స్థానికులు, పలు పార్టీల కార్యకర్తలు తెగ చర్చించుకుంటున్నారు. ఇప్పటివరకు కోటంరెడ్డికి 2+2 గన్‌మెన్లు ఉండగా.. 1+1కి తగ్గిస్తూ నిర్ణయం తీసుకుంది.

దీనికి సంబంధించిన పత్రంపై ఎమ్మెల్యే కోటంరెడ్డి సంతకం చేశారు. అనంతరం ఇన్నాళ్లపాటు తనకు సెక్యూరిటీగా విధులు నిర్వర్తించిన ఇద్దరు సిబ్బందికి ఆయన వీడ్కోలు పలికారు. ఇటీవల వెంకటగిరి ఎమ్మెల్యే ఆనం రామనారాయణ రెడ్డికి కూడా పోలీసులు భద్రతను తగ్గించిన విషయం తెలిసిందే. వీరిద్దరూ పార్టీ వీడేందుకు సిద్ధమైన నేపథ్యంలోనే భద్రత కుదించినట్లు తెలుస్తోంది. గత కొంతకాలంగా సొంత పార్టీలో సరైన గౌరవం దక్కడం లేదన్న కారణంతో పార్టీ నుంచి దూరంగా జరగాలని కోటంరెడ్డి శ్రీధర్‌ రెడ్డి నిర్ణయించుకున్నారు.