ముస్లింల సంక్షేమానికి తెలంగాణ ఒక రోల్ మోడల్‌గా మారిందని జాతీయ మైనార్టీ కమిషన్ వైస్ ఛైర్మన్ అతీఫ్ రషీద్ పేర్కొన్నారు. హైదరాబాద్లోని మంత్రుల క్వార్టర్స్లో హోంమంత్రి మహమూద్ అలీని ఆయన మర్యాదపూర్వకంగా కలిశారు.
రాష్ట్రంలో ముస్లింల కోసం ప్రారంభించిన విద్యా, సంక్షేమ పథకాలు ఆర్చర్యాన్ని కలిగించాయని రషీద్ పేర్కొన్నారు. తెలంగాణ అధికారిక పర్యటనలో ఉన్న రషీద్.. రాష్ట్రంలోని వివిధ విభాగాలను సందర్శిస్తున్నారు. ఇందులో భాగంగానే మహమూద్ అలీని కలిశారు.
రూ.4,945 కోట్లు ఖర్చు..
ప్రత్యేక రాష్ట్రం అవతరించాక రాష్ట్రంలోని ముస్లిం మైనార్టీల కోసం సుమారు రూ.4,945 కోట్లు ఖర్చు చేశామని రషీద్కు హోంమంత్రి వివరించారు. ఇది ముఖ్యమంత్రి కేసీఆర్ ఘనతగా అభివర్ణించారు. రాష్ట్రంలో ఉర్దూను రెండో అధికారిక భాషగా చేస్తూ.. మొదటిసారిగా 66 మంది ఉర్దూ అధికారులను నియమించామని తెలిపారు.
ఇదీ చూడండి: నగరంలో భారీ మొత్తంలో గంజాయి పట్టివేత
