తల్లిని పోషించలేక హత్య చేసిన కొడుకు, కోడలు

కన్నతల్లిని భార్యతో కలిసి హత్య చేసి, సహజ మరణంగా చిత్రకరించిన భార్యభర్తలు జైలుపాలైన ఘటన చంద్రాయణగుట్టలో చోటు చేసుకుంది.

తల్లిని పోషించలేక కొడుకు, కోడలు కలసి హత్య చేసిన ఘటన హైదరాబాద్​లోని చాంద్రాయణగుట్టలో ఆలస్యంగా వెలుగులోకి వచ్చింది. మార్చి 30న ఖైరున్నిసా అనే వృద్ధురాలు మరణించింది. ఆమె మరణంపై ఓ అజ్ఞాత వ్యక్తి ఇచ్చిన సమాచారం మేరకు చాంద్రాయణగుట్ట పోలీసులు మృతురాలి ఇంటికెళ్లి పరిశీలించారు. అనుమానం రావడం వల్ల శవ పరీక్ష చేయించారు. పోస్టుమార్టం రిపోర్టులో గొంతు నులిమినట్లు, బలంగా తలను గోడకు కొట్టి చంపినట్లుగా తేలింది. కొడుకు చాంద్ పాషా, అతని భార్య కౌసర్ బేగంను విచారించగా తామే హత్య చేసినట్లు ఒప్పుకొన్నారు. ఖైరున్నిసాను పోషించలేక దారుణానికి ఒడిగట్టినట్లు నిందితులు పేర్కొన్నారు. వీరిని అరెస్ట్ చేసినట్లు ఫలక్​నుమా ఏసీపీ ఎమ్​ఏ రషీద్ తెలిపారు.

ఇదీ చూడండి : ఆరోగ్యశ్రీ బంద్​... 'గాంధీ'లో కిటకిట