ఓఆర్ఆర్ పరిధిలో ఉన్న చెరువులు, కుంటల వల్ల ముంపునకు గురయ్యే ప్రాంతాలను రానున్న వర్షాకాలంలోపు గుర్తించాలని మున్సిపల్ శాఖ ముఖ్య కార్యదర్శి అరవింద్కుమార్ అధికారులను ఆదేశించారు. తక్షణ చర్యలు చేపట్టేందుకు జోన్ల వారీగా కార్యాచరణ ప్రణాళిక రూపొందించి అమలు చేయాలని సూచించారు. జీహెచ్ఎంసీ ప్రధాన కార్యాలయంలో సంబంధిత అధికారులతో ఉన్నతస్థాయి సమీక్షా సమావేశం నిర్వహించారు.
నగరంలోని అపార్టుమెంట్లలో సెల్లార్ల నుంచి నీరు ఎత్తిపోయడానికి వీలుగా మోటార్ పంపులు ఏర్పాటు చేసేలా చర్యలు చేపట్టాలని అధికారులకు సూచించారు. ఈ సందర్భంగా గ్రేటర్‌ హైదరాబాద్‌లో భారీ వర్షాలు, వరదల వల్ల వాటిల్లే ముంపు నివారణకై చేపట్టాల్సిన చర్యలపై వారితో చర్చించారు. ప్రజల భద్రతకు అత్యంత ప్రాధాన్యతనిచ్చి.. ముంపునకు కారణమయ్యే వాటిని వెంటనే తొలగించాలని ఆదేశించారు.
