'సీఎం గారూ.. మీరు ఎర్రవల్లికి సర్పంచా? చింతమడకకు ఎంపీటీసా?'
పట్టణ ప్రగతి పేరుమీద తెరాస చేసిన పాపాలను మాఫీ చేసుకునే ప్రయత్నం చేస్తోందని మల్కాజిగిరి ఎంపీ రేవంత్ రెడ్డి ఆరోపించారు. త్వరలో జరగబోయే గ్రేటర్ ఎన్నికల కోసం... పట్టణ ప్రగతి కార్యక్రమం ద్వారా ప్రజలను మోసం చేసేందుకు కుట్ర చేస్తోందని తెలిపారు. కాంగ్రెస్ పార్టీ పట్నం గోస... పేరుమీద కార్యక్రమం చేస్తూ ప్రజల సమస్యలను ప్రభుత్వం దృష్టికి తీసుకెళ్తోందని రేవంత్ రెడ్డి పేర్కొన్నారు. హైదరాబాద్ పరిధిలో పేదలకు లక్ష రెండు పడక గదుల ఇళ్లు ఇస్తామని చెప్పి... కేవలం 108 మాత్రమే పూర్తి చేయడం ఏంటని ప్రశ్నించారు.
