రాష్ట్రంలోని ప్రభుత్వ భూములను పరిరక్షించటంతో పాటు వీటిపై శ్వేతపత్రం విడుదల చేయాలని ఎమ్మెల్సీ రాంచందర్రావు డిమాండ్ చేశారు. భూ కబ్జాదారుల నుంచి భూములను కాపాడాలని కోరారు. హైదరాబాద్ ఇందిరాపార్కు వద్ద తెలంగాణ భూపరిరక్షణ సమితి ఆధ్వర్యంలో చేపట్టిన తెలంగాణ భూకబ్జా బాధితుల ధర్మాగ్రహ ధర్నా కార్యక్రమానికి ముఖ్య అతిథిగా ఆయన హాజరయ్యారు.
భూ రికార్డులు సరిగా లేని కారణంగా వేలాది ఎకరాల భూములు భూ మాఫియా చేతుల్లోకి వెళ్లాయని రాంచందర్రావు ఆరోపించారు. రెవెన్యూ రికార్డులు గందరగోళంగా ఉండడం వల్ల వివాదాలు తలెత్తుతున్నాయని పేర్కొన్నారు. తెలంగాణ ప్రభుత్వం ప్రజావ్యతిరేకంగా పనిచేస్తోందని సుప్రీంకోర్టు న్యాయవాది నిరూప్రెడ్డి ఆరోపించారు. రాష్ట్రంలో విధ్వంసక అభివృద్ధి జరుగుతుందన్నారు. ఈ కార్యక్రమంలో సీనియర్ జర్నలిస్ట్ పాశం యాదగిరి తదితరులు పాల్గొన్నారు.
ఇదీ చదవండి: డ్రంక్ అండ్ డ్రైవ్లో మందుబాబు హల్చల్
