వరద బాధితులకు నిత్యావసరాల పంపిణీ

ఖైరతాబాద్​ నియోజకవర్గంలోని ముంపు ప్రాంతాల్లో ఎమ్మెల్యే దానం నాగేందర్​ పర్యటించారు. వరదలతో నష్టపోయిన వారికి నిత్యావసర సరకులు, చీరలు, దుప్పట్లను పంపిణీ చేశారు.

హైదరాబాద్​ ఖైరతాబాద్ నియోజకవర్గంలోని ముంపు ప్రాంతాల్లో ఇంటింటికి తిరుగుతూ స్థానిక ఎమ్మెల్యే దానం నాగేందర్​ నిత్యావసర సరుకులు, చీరలు, దుప్పట్లను పంపిణీ చేశారు. వరద బాధితులను ఆదుకునేందుకు ప్రభుత్వం కృషి చేస్తోందని ఎమ్మెల్యే అన్నారు.

సీఎం కేసీఆర్​ బాధితులను ఆదుకునేందుకు యంత్రాంగాన్ని అప్రమత్తం చేశారన్నారు. వరదలతో నష్టపోయిన వారందరికీ ప్రభుత్వం అండగా ఉంటుందని దానం నాగేందర్​ భరోసా ఇచ్చారు. ఇది ప్రకృతి వైపరీత్యమని ఎమ్మెల్యే అన్నారు. ఈ కార్యక్రమంలో ఎమ్మెల్యేతో పాటు జీహెచ్​ఎంసీ జోనల్​ కమిషనర్​ ప్రావీణ్య పాల్గొన్నారు.

ఇవీ చూడండి: మూసీ ఉగ్రరూపం.. ముసారాంబాగ్‌ వంతెనపై వరద ప్రవాహం