మినరల్ -ఆర్వో నీటి కన్నా... మిషన్ భగీరథ నీళ్లు ఆరోగ్యానికి ఎంతో మేలు చేస్తాయని వరంగల్ నిట్ విశ్రాంత ప్రొఫెసర్ పాండురంగారావు అన్నారు. పాండురంగారావు ఆధ్వర్యంలోని నిపుణులు, ఇంజనీర్లు రాష్ట్ర వ్యాప్తంగా పలు జిల్లాల్లో మిషన్ భగీరథ, మినరల్ -ఆర్వో నీటిని పరీక్షించారు. మినరల్-ఆర్వో నీరు ప్రజల ఆరోగ్యానికి అత్యంత ప్రమాదకరమని తమ అధ్యయనంలో తేలినట్లు వారు వెల్లడించారు. ఈ నీటిలో 100 పీపీఎం లోపు మినరల్స్ ఉండగా... మిషన్ భగీరథ నీరులో 300 నుంచి 400 పీపీఎం మినరల్స్ ఉన్నట్లు నివేదికలో తేలిందన్నారు.
ఆ నీరు తాగితే డిప్రెషన్,హెయిర్ లాస్..
పాండురంగారావు ఆధ్వర్యంలోని బృందం మిషన్ భగీరథపై తయారు చేసిన నివేదికను రాష్ట్ర ప్రణాళికా సంఘం వైస్ ఛైర్మన్ వినోద్ కుమార్కు అందించారు. మిషన్ భగీరథ నీళ్లలో మినరల్స్, కాల్షియం, మ్యాగ్నీషియం, పుష్కలంగా లభిస్తాయని పాండురంగారావు తెలిపారు. మిషన్ భగీరథ నీళ్లు ఆరోగ్యకరమైనవని ప్రపంచ ఆరోగ్య సంస్థ కూడా నివేదిక వెల్లడించిన విషయాన్ని గుర్తు చేశారు.
మినరల్-ఆర్వో నీటిని తాగుతూ ప్రజలు అనారోగ్యానికి గురవుతున్నారని పేర్కొన్నారు. ఆర్వో నీటిని శుద్ధి చేయడం వల్ల మినరల్స్ నశించిపోతున్నాయన్నారు. ఈ నీరు తీసుకోవడం వల్ల ఎముకలు మెత్తబడటం, కీళ్ల నొప్పులు, బోన్ లాస్, వెంట్రుకలు ఊడిపోవడం సహా పలు జబ్బులు రావడం, డిప్రెషన్కు లోనవుతారని వివరించారు.
ఇవీ చూడండి : ప్రైవేటులోనూ కరోనాకు వైద్యం.. సర్కార్ కీలక నిర్ణయం..