అభివృద్ధి కార్యక్రమాలకు సహాయ సహకారాలు అందిస్తా: తలసాని

రాంగోపాల్​పేట డివిజన్ అభివృద్ధికి తనవంతు పూర్తి సహకారం అందిస్తానని మంత్రి తలసాని శ్రీనివాస్​ యాదవ్​ అన్నారు. మంత్రి తలసానిని రాంగోపాల్​పేట డివిజన్​ కార్పొరేటర్​ చీర సుచిత్ర మర్యాదపూర్వకంగా కలిశారు.

అభివృద్ధి కార్యక్రమాలకు తన సహాయ సహకారాలు ఎల్లప్పుడూ అందిస్తానని మంత్రి తలసాని శ్రీనివాస్ యాదవ్ పేర్కొన్నారు. రాంగోపాల్ పేట డివిజన్ కార్పొరేటర్​గా ఎన్నికైన చీర సుచిత్ర... వెస్ట్ మారేడ్​పల్లిలోని మంత్రి నివాసంలో తలసాని శ్రీనివాస్ యాదవ్​ను మర్యాదపూర్వకంగా కలిశారు. సుచిత్రను మంత్రి సన్మానించి శుభాకాంక్షలు తెలిపారు.

ఎన్నికల వరకే రాజకీయాలు ఉంటాయని, అనంతరం అభివృద్ధి, ప్రజాసంక్షేమం పైనే దృష్టి సారించాలని తలసాని అన్నారు. రాంగోపాల్​పేట డివిజన్ అభివృద్ధికి తనవంతు పూర్తి సహకారం అందిస్తానని, సమస్యలను తన దృష్టికి తీసుకొస్తే వాటి పరిష్కారానికి కృషి చేస్తానని కార్పొరేటర్ సుచిత్రకు మంత్రి హామీ ఇచ్చారు.

ఇదీ చదవండి: న్యాయవాదుల హత్య.. తెరాస చేసిన హత్యే: డీకే అరుణ