ప్రైవేటు బస్సులపై ఈఏడాది రూ.7కోట్ల ఆదాయం

ప్రజలకు పారదర్శకంగా సేవలు అందించేందుకు రవాణాశాఖ కృషి చేస్తోందని మంత్రి వేముల ప్రశాంత్​ రెడ్డి అన్నారు. హైదరాబాద్​లోని రవాణాశాఖ కేంద్ర కార్యాలయంలో జిల్లా అధికారులతో సమీక్ష నిర్వహించారు.

ప్రజలకు పారదర్శక సేవలు అందించేందుకు ఆధునిక పద్ధతులు అమలు చేస్తున్నట్లు రవాణాశాఖ మంత్రి వేముల ప్రశాంత్ రెడ్డి తెలిపారు. ప్రైవేటు బస్సులపై ఈ ఏడాదిలో 7కోట్ల రూపాయల రుసుము వసూలు చేసినట్లు చెప్పారు. గతంలో ఇది కోటి మాత్రమే ఉండేదని స్పష్టం చేశారు. ఖైరతాబాద్​లోని రవాణాశాఖ కేంద్ర కార్యాలయంలో జిల్లా రవాణాధికారులతో సమీక్ష నిర్వహించారు. ప్రజల సౌకర్యార్థం గ్రీవెన్స్​ సెల్​ ఏర్పాటు చేస్తామని... ఆన్​లైన్, ఫోన్ ద్వారా వాటిని కమిషనర్ పర్యవేక్షిస్తారని మంత్రి తెలిపారు. స్మార్ట్ కార్డుల కోసం మూడు రోజుల్లో రిబ్బన్లు, ప్రిటింగ్ మిషన్​లు పంపిణీ చేస్తామన్నారు. 15రోజుల్లో 2లక్షల 30 వేల కార్డులు పంపిణీ చేస్తామని వెల్లడించారు.

ఇదీ చూడండి: 'పీజీ కేంద్రాలను యథావిధిగా కొనసాగించాలి'