ప్రీమియం ఫీచర్లతో వన్​ప్లస్​ 13 సిరీస్- ధర, ఫీచర్ల వివరాలు ఇవే..!

వన్​ప్లస్​ 13 సిరీస్​కు కౌంట్​డౌన్- మరికాసేపట్లో రిలీజ్!

Oneplus 13 Series: ఎప్పుడెప్పుడా అని ఎదురుచూస్తున్న వన్​ప్లస్​ 13 సిరీస్ ఇవాళ మార్కెట్లోకి ఎంట్రీ ఇవ్వనున్నాయి. ఈ సిరీస్​లో కంపెనీ వన్​ప్లస్​ 13, వన్​ప్లస్​ 13R అనే రెండు మోడల్ మొబైల్స్​​ను తీసుకురానుంది.​ ఈ ప్రీమియం రేంజ్ స్మార్ట్​ఫోన్ల డిజైన్, పనితీరు, ఫీచర్లలో చాలా అప్​డేట్​లను చేసింది. లాంఛ్ చేసేందుకు ఒక రోజు ముందుగా అంటే నిన్ననే కంపెనీ వీటిలోని కొన్ని ఫీచర్లు, అప్​డేట్​ల గురించి సమాచారాన్ని అందించింది.

డిస్​ప్లే డిజైన్: కంపెనీ ఈ లైన్​లో కర్వ్డ్ డిస్‌ప్లేను రీప్లేస్ చేసింది. ఈ రెండు ఫోన్లూ కొత్త ఫ్లాట్ డిస్‌ప్లేతో వస్తాయి. ఇది వీటికి పూర్తిగా కొత్త లుక్​ను అందిస్తుంది.

కెమెరా మాడ్యూల్: వీటి కెమెరా మాడ్యూల్ పాత మోడల్స్​ మాదిరిగానే వృత్తాకారంగా ఉంటుంది. అయితే కెమెరా బంప్‌ని ఫోన్ ఫ్రేమ్‌కి కనెక్ట్ చేసే డిజైన్ ఎలిమెంట్​ మాత్రం తీసేశారు. దీంతో ఈ స్మార్ట్​ఫోన్ల రూపురేఖలు పూర్తిగా మారిపోయాయి.

వన్​ప్లస్​ 13 వేగన్ లెదర్, గ్లాస్​ ఫినిషింగ్​లో వస్తుంది. ఇది వాటర్ అండ్ డస్ట్​ రెసిస్టెన్స్​తో IP68, IP69 రేటింగ్​లతో వస్తుంది. అయితే వన్​ప్లస్​ 13Rలో మాత్రం కస్టమర్లు లెదర్ ఆప్షన్​ను పొందలేరు.

బ్యాటరీ అండ్ సాఫ్ట్​వేర్​: ఈ రెండు కొత్త ఫోన్లూ శక్తివంతమైన 6,000mAh బ్యాటరీతో వస్తాయి. ఇది ఫాస్ట్ ఛార్జింగ్​కు సపోర్ట్ చేస్తుంది. ఈ రెండు ఫోన్లు ఆండ్రాయిడ్ 15 ఆధారిత ఆక్సిజన్ OS15 పై రన్ అవుతాయి.

కంపెనీ వీటిలో వన్​ప్లస్​ 13 ఫోన్​తో నాలుగు సంవత్సరాల ఆండ్రాయిడ్ అప్‌డేట్‌లతో పాటు ఐదు సంవత్సరాల సెక్యూరిటీ అప్​డేట్స్​ను అందిస్తుందని టెక్ నిపుణులు భావిస్తున్నారు. అయితే వన్​ప్లస్ 13Rపై కంపెనీ మూడు సంవత్సరాల ఆండ్రాయిడ్ అప్‌డేట్‌లతో పాటు నాలుగేళ్ల పాటు సెక్యూరిటీ అప్‌డేట్‌లను అందిస్తుంది.

ట్రిపుల్ కెమెరా సెటప్: వన్​ప్లస్​ 13 ఫోన్ 50MP సోనీ LYT-808 ప్రైమరీ సెన్సార్, 50MP టెలిఫోటో లెన్స్, 50MP అల్ట్రా-వైడ్ కెమెరాను కలిగి ఉంటుందని సమాచారం. మరోవైపు వన్​ప్లస్​ 13R 50MP ప్రైమరీ సెన్సార్, 50MP టెలిఫోటో లెన్స్, 8MP అల్ట్రా-వైడ్ సెన్సార్‌ని పొందవచ్చు. వన్​ప్లస్​ 13R అనేది కంపెనీ R-సిరీస్‌లో టెలిఫోటో లెన్స్‌తో వచ్చిన మొదటి స్మార్ట్​ఫోన్.

ధర: మన ఇండియన్ మార్కెట్లో వన్​ప్లస్​ 13 ధర రూ.67,000 నుంచి రూ.70,000 మధ్య ఉండొచ్చు. అదే సమయంలో వన్​ప్లస్​ 13R ను రూ. 50,000 కంటే తక్కువ ధరకే లాంఛ్​ చేయొచ్చు. దీని కంటే వన్​ప్లస్​ 13 ఫోన్​ ఎక్కువ ధరతో తీసుకొచ్చేందుకు కారణం అందులో ఉన్న స్నాప్​డ్రాగ్​ 8 ఎలైట్ చిప్‌సెట్. అయితే దీనిపై కంపెనీ ఇంకా ఎలాంటి అధికారిక సమాచారం అందించలేదు. ఇవాళ రాత్రి 9 గంటలకు ఈ మొబైల్స్​ లాంఛ్ ఈవెంట్​లో వీటిపై మరిన్ని వివరాలు రివీల్ కానున్నాయి.