కేంద్రప్రభుత్వం పీవీకి భారతరత్న ప్రకటించాలని మంత్రి కేటీఆర్ అసెంబ్లీ సమావేశాల్లో పేర్కొన్నారు. గత ప్రభుత్వాల పాలనలో ఎందరో తెలంగాణ వైతాళికులు మరుగునపడ్డారని అన్నారు. తెలంగాణ వైతాళికులను గౌరవించిన ఘనత తెరాస ప్రభుత్వానిదేనని ఉద్ఘాటించారు. తెలంగాణ ముద్దుబిడ్డల ఔన్నత్యం అందరూ గుర్తుంచుకోవాలని కోరారు.
తెలంగాణ రాష్ట్ర ముద్దుబిడ్డ పీవీకి భారతరత్న ఇవ్వాలని కేసీఆర్ తీర్మానానికి తను సంపూర్ణ మద్దతు ఇస్తున్నట్లు మంత్రి సత్యవతిరాఠోడ్ అసెంబ్లీలో తెలిపారు. పీవీ బహుముఖ ప్రజ్ఞాశాలి అని కొనియాడారు. ఆయన సేవలు ఎనలేనివని అసెంబ్లీ సమావేశాల్లో గుర్తు చేశారు.
భారతప్రభుత్వం పీవీకి భారతరత్న ఇవ్వాలని సత్తుపల్లి ఎమ్మెల్యే సండ్ర వెంకటవీరయ్య అసెంబ్లీలో కోరారు. ముఖ్యమంత్రి కేసీఆర్ ప్రవేశపెట్టిన తీర్మానానికి సంపుర్ణ మద్దతు ప్రకటిస్తున్నట్లు పేర్కొన్నారు.
ఇదీ చూడండి: పీవీ గ్లోబల్ ఇండియా రూపశిల్పి.. : కేసీఆర్
