రాగల మూడు రోజులపాటు అక్కడక్కడ తేలికపాటి నుంచి ఓ మోస్తరు వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. మంగళవారం ఉరుములు మెరుపులతో అనేక చోట్ల వర్షాలు పడతాయని సంచాలకురాలు రత్నప్రభ పేర్కొన్నారు.
మోస్తరు నుంచి భారీ వర్షాలు...
వచ్చే రెండు రోజులు ఉత్తర తెలంగాణలోని ఆదిలాబాద్, నిర్మల్, కోమురంభీం ఆసిఫాబాద్, మంచిర్యాల, నిజామాబాద్, జగిత్యాల, పెద్దపల్లి, కరీంనగర్, రాజన్న సిరిసిల్ల, జయశంకర్ భూపాలపల్లి, వరంగల్ పట్టణ, వరంగల్ గ్రామీణ జిల్లాలో భారీ వర్షపాతం నమోదుకానుందని తెలిపారు. తూర్పు తెలంగాణలోని భద్రాద్రి కొత్తగూడెం, మహబూబాబాద్, ములుగు, ఖమ్మం జిల్లాల్లోనూ పలు చోట్ల భారీ వర్షాలు కురిసే అవకాశం ఉందన్నారు. ఒడిస్సా నుంచి దక్షిణ తమిళనాడు వరకు కోస్తా ఆంధ్ర మీదుగా అల్పపీడన ద్రోణి ఏర్పడిందని వివరించారు.
ఇవీ చూడండి : ఎస్‌ఆర్ఎస్పీ వరదకాల్వ ఎగువన నీటి ఇబ్బందులపై సీఎం సమీక్ష
