మిషన్​ భగీరథ... హర్ ఘర్ జల్​కు కాపీ: లక్ష్మణ్​

''కేంద్ర బడ్జెట్​పై కేటీఆర్ విమర్శలు సరికాదు. కేంద్ర ప్రభుత్వ పథకాలతో కలుపుకుని రాష్ట్రానికి 68 శాతం కేంద్ర నిధులు వచ్చాయి. కేసీఆర్ ప్రభుత్వం వాటిని ఎందుకు అమలు చేయడం లేదు. కేంద్ర పథకాలను ప్రజల్లోకి తీసుకువెళ్తాం. రాష్ట్ర ప్రభుత్వ వైఫల్యాలను ఎండగడతాం'': లక్ష్మణ్‌, భాజపా రాష్ట్ర అధ్యక్షుడు

భాజపా సభ్యత్వ నమోదుతో తెరాస నేతల ఆందోళనకు గురవుతున్నారని పార్టీ రాష్ట్ర అధ్యక్షుడు లక్ష్మణ్‌ అన్నారు. మిషన్ భగీరథ స్ఫూర్తితో కేంద్రం జల పథకం తీసుకువచ్చిందని కేటీఆర్ ట్వీట్ చేయడాన్ని తప్పుబట్టారు. గుజరాత్‌లో హర్ ఘర్ జల్​ పథకాన్ని కాపీ కొట్టి తెరాస ప్రభుత్వం మిషన్ భగీరథను తీసుకొచ్చిందని ఆరోపించారు. కాళేశ్వరం ప్రాజెక్టుకు అన్ని రకాల అనుమతులు ఎన్డీఏ ప్రభుత్వం ఇచ్చిందని స్పష్టం చేశారు. కాళేశ్వరానికి జాతీయ హోదా కావాలని తెరాస ఏ రోజూ కేంద్రాన్ని కోరలేదని వెల్లడించారు. జాతీయ హోదా వస్తే కమిషన్‌లు దండుకోడానికి అవకాశం ఉండదని విమర్శించారు.

ఇదీ చూడండి: మరో శ్రీమంతుడు ఆ గ్రామ సర్పంచ్..