KTR Started Sewage Treatment Plant: హైదరాబాద్లోని జవహర్నగర్లో జీవో 58,59 ద్వారా అర్హులకు ఇళ్ల పట్టాల పంపిణీ కార్యక్రమానికి ముఖ్య అతిథిగా హాజరైన మంత్రి కేటీఆర్.. చేతుల మీదుగా ఆ పంపిణీ జరిగింది. 6 నెలల క్రితం పట్టాలు ఇస్తామని హామీ ఇచ్చిన విధంగానే.. ఇప్పుడు పంపిణీ చేశామని ఆనందం వ్యక్తం చేశారు. అంతకు ముందు ఇక్కడే జవహర్నగర్ డంప్ యార్డ్ వద్ద లిచాట్ ట్రీట్మెంట్ ప్లాంట్ను కూడా ప్రారంభించారు. ఈ కార్యక్రమంలో మంత్రి మల్లారెడ్డి, జీహెచ్ఎంసీ మేయర్ విజయలక్ష్మి, అధికారులు పాల్గొన్నారు.
ఈ సందర్భంగా కేటీఆర్ మాట్లాడుతూ.. గత పాలకులు జవహర్నగర్లో అస్తవ్యస్త పద్ధతులతో, ఎటువంటి ప్రణాళిక లేకుండా డంపింగ్ యార్డు నిర్మించి ఇక్కడి వాతావరణాన్ని కలుషితం చేశారని ఆరోపించారు. మల్కారం చెరువు నీటి శుద్ధి ప్లాంట్ను ప్రారంభించిన కేటీఆర్ ఆనంతరం పేదలకు 3,619 ఇళ్ల పట్టాలను పంపిణీ చేశారు. ఇక్కడి డంపింగ్ యార్డ్కు హైదరాబాద్ మహానగరం నుంచి ప్రతిరోజు ఎనిమిది వేల టన్నుల చెత్త వస్తోందని.. ఇదంతా పెద్ద పెద్ద గుట్టలుగా పేరుకుపోకుండా.. పునర్వినియోగం దిశగా ఈ చెత్తతో 20 మెగావాట్ల విద్యుత్ ఉత్పత్తి అయ్యేలా ప్లాంట్ను ఏర్పాటు చేశామని కేటీఆర్ వెల్లడించారు.
నాగరిక సమాజం వైపు అడుగులు: చెత్తనంతా ఒక్క జవహర్నగర్లో డంప్ చేయకుండా నగరంలోని పలు చోట్ల డంపింగ్ యార్డులను ఏర్పాటు చేస్తున్నామని ప్రకటించారు. మురుగునీరును రోజుకు 2000 ఎమ్ఎల్డీని శుద్ధి చేసి.. భారతదేశంలో హైదరాబాద్ ఈ ప్రక్రియలో మొదటిస్థానంలో నిలవనుంది. ఈ విషయంలో హైదరాబాద్ భారతదేశానికే ఆదర్శం కాబోతుంది. నాగరిక సమాజం దిశగా ముందుకు సాగాలని.. భవిష్యత్లో జపాన్ తరహాలో.. హైదరాబాద్లోనూ అండర్ గ్రౌండ్ చెత్త పునర్వినియోగ ప్లాంట్లను నెలకొల్పుతామన్నారు.
"మురుగునీరును శుద్ధి చేసే లిచాట్ ట్రీట్మెంట్ ప్లాంట్ను రూ. 250 కోట్లతో మల్కారం చెరువు మీద ఏర్పాటు చేశాము. సంవత్సరంలోపు ఆ చెరువును మొత్తం శుద్ధి చేస్తాము. కిందకు చెడు నీరును పంపించం... శుద్ధి చేసిన మంచినీరును మాత్రమే పంపిస్తాము. దీని వల్ల భూగర్భ జలాలు మంచిగా తయారు అవుతాయి. రూ. 550 కోట్లతో కరెంటును ఉత్పత్తి చేసే ప్లాంట్ను పెట్టాము. రూ. 250 కోట్లతో చెడు నీరును మంచిగా చేసే ఈ ప్లాంట్ను పెట్టాము. జవహర్నగర్ డంపింగ్ యార్డులో ఇప్పటికే రూ. 2000 కోట్లను పెట్టుబడి పెట్టామని" మంత్రి కేటీఆర్ వివరణ ఇచ్చారు.
"జవహర్నగర్లో ఈ డంపింగ్ యార్డును మొదలు పెట్టినప్పుడు హైదరాబాద్ నుంచి 8వేల మెట్రిక్ టన్నుల చెత్త వస్తుందని లెక్క వేశారు. అందుకోసమే ఈ ఫ్లాంట్ను డిజైన్ చేశాము. తడి చెత్త నుంచి ఎరువును ఉత్పత్తి చేసి.. ఆ ఎరువును అమ్ముతూ ఉన్నాము. పొడి చెత్త నుంచి విద్యుత్ను ఉత్పత్తి చేస్తున్నాము." - కేటీఆర్, పరిశ్రమ శాఖ మంత్రి
ఇవీ చదవండి:
