ముఖ్యమంత్రి కేసీఆర్ విశాఖ పర్యటన రద్దయింది. బడ్జెట్ రూపకల్పన, మంత్రివర్గ విస్తరణ సన్నాహాల దృష్ట్యా ఈ నిర్ణయం తీసుకున్నట్లు తెలుస్తోంది. విశాఖలో శారదపీఠం వార్షికోత్సవాలకు హాజరుకావాలని నిర్వాహకులు ఆహ్వనించగా మొదట్లో అంగీకరించారు. ఈనెల 17 నుంచి కేంద్ర వార్షిక ఆర్థిక సంఘం రాష్ట్రంలో పర్యటించనుంది. కీలకమైన ఈ పర్యటనపై ఈరోజు కేసీఆర్ ఉన్నతస్థాయి సమావేశం నిర్వహించనున్నారు. రేపు మంత్రివర్గ విస్తరణ జరుగుతుందనే ఊహాగానాలు వెలువడుతున్నాయి. ఈ నేపథ్యంలో కేసీఆర్ విశాఖ పర్యటన రద్దు చేసుకోవటం వాదనకు బలం చేకూరుస్తోంది. కేసీఆర్ తరఫున ప్రశాంత్రెడ్డి విశాఖ వెళ్లనున్నారు.
