హైదరాబాద్ పాతబస్తీకి చెందిన మహమ్మద్ అంజద్, మహమ్మద్ షోయబ్ అనే ఇద్దరు యువకులను పోలీసులు అరెస్టు చేశారు. మద్యం, గంజాయికి అలవాటు పడి సులువుగా డబ్బులు సంపాదించాలనే ఆలోచనతో చైన్ స్నాచింగ్లు చేయటం మొదలుపెట్టినట్లు పోలీసులు పేర్కొన్నారు. గతనెల 30న అబిడ్స్ వద్ద మహిళ మెడలో నుంచి మంగళసూత్రం స్నాచింగ్ చేసి పరారైనట్లు వెల్లడించారు.
బాలాపూర్లో కూడా ఇదే తరహాలో స్నాచింగ్కి పాల్పడినట్లు పోలీసులు తెలిపారు. సీసీ ఫుటేజీలను పరిశీలించిన అనంతరం వీరిద్దరిని అరెస్టు చేసినట్లు పేర్కొన్నారు. వారి నుంచి ఓ ద్విచ్రవాహనం, 45 గ్రాముల మంగళసూత్రాలను స్వాధీనం చేసుకున్నారు. కేసు నమోదు చేసిన పోలీసులు నిందితులను రిమాండ్కు తరలించారు.
