కరోనా రెండో దశ ఏపీలోని చిత్తూరు జిల్లా ప్రజలను హడలెత్తిస్తోంది. వరుసగా నాలుగో రోజూ కొవిడ్ కేసులు వెయ్యి దాటాయి. ఆదివారం ఒక్కరోజే తిరుపతి నగరంలో 687పాజిటివ్‌ కేసులు నమోదవ్వగా... తిరుపతి గ్రామీణ మండలంలో 109 మంది కరోనా బారిన పడ్డారు. చిత్తూరు జిల్లా వ్యాప్తంగా 22 ఆసుపత్రుల్లో కరోనాకు చికిత్స ఆందిస్తున్నారు. ఓ వైపు పాజిటివ్‌ కేసుల సంఖ్య రోజుకు రోజుకు తీవ్రం అవుతుండగా... స్విమ్స్‌ ఆసుపత్రిలో మరణాల సంఖ్య అదే స్థాయిలో పెరుగుతోంది. ఆ రాష్ట్ర కోవిడ్‌ ఆసుపత్రి కావడంతో రాయలసీమ జిల్లాల నుంచి ఆరోగ్యం విషమించిన కేసులు స్విమ్స్‌కు తరలిస్తున్నారు. దీంతో స్విమ్స్‌ ఆసుపత్రిలో మరణాలు సంఖ్య పెరిగిపోతోంది. కరోనాకు చికిత్స పొందుతూ శనివారం ఒక్క రోజే 12 మంది మృతి చెందారు.
చిత్తూరు జిల్లాలో కరోనా కేసులు
