Telangana TRT Recruitment 2023 : తెలంగాణలో టీచర్ పోస్టుల ఇటీవల నోటిఫికేషన్ విడుదల అయిన సంగతి తెలిసిందే. రాష్ట్రవ్యాప్తంగా 33 జిల్లాల్లో ఉన్న ప్రభుత్వ పాఠశాలల్లో 5,089 టీచర్ పోస్టులకు సంబంధించి డీఎస్సీ/ టీచర్స్ రిక్రూట్మెంట్ టెస్ట్(TRT) నోటిఫికేషన్ రిలీజ్ అయింది. జిల్లా స్థాయి ఎంపిక కమిటీల ద్వారా ఈ ఉద్యోగాల భర్తీ చేపట్టనున్నారు. డీఎస్సీ (TS DSC 2023) ద్వారా ప్రభుత్వ పాఠశాలలతో పాటు మునిసిపల్ స్కూళ్లలో ఖాళీలను భర్తీ చేయనున్నారు. అలాగే ఈ నోటిఫికేషన్లో స్కూల్ అసిస్టెంట్లు, సెకండరీ ఉపాధ్యాయులు, భాషా పండితులు, వ్యాయామ ఉపాధ్యాయ ఉద్యోగాలు ఉన్నాయి. అయితే డీఎస్సీ/టీఆర్టీకి అప్లై చేసుకోవడానికి ఎవరెవరు అర్హులు? వయోపరిమితి ఎంత? అప్లికేషన్ ఫీజు ఎంత? ఏఏ పత్రాలు అవసరం? ఆన్లైన్లో ఎలా అప్లై చేసుకోవాలో ఇప్పుడు ఈ స్టోరీలో తెలుసుకుందాం..
Telangana DSC Notification 2023 : తెలంగాణ ఉపాధ్యాయ నియామకాలకు సంబంధించిన పూర్తి నోటిఫికేషన్ https://schooledu.telangana.gov.in/ వెబ్సైట్లో అందుబాటులో ఉంది. ఇక.. ఈ పోస్టులకు సెప్టెంబర్ 20వ తేదీ నుంచి దరఖాస్తుల ప్రక్రియ ప్రారంభం అయ్యింది. అక్టోబర్ 21వ తేదీ వరకు ఆన్లైన్ ద్వారా అప్లికేషన్స్ స్వీకరిస్తారు. ఇప్పటికే అధికారిక వెబ్సైట్లో జిల్లాల వారీగా అందుబాటులో ఉన్న ఖాళీల వివరాలను పాఠశాల విద్యాశాఖ(TS Education Department) విడుదల చేసింది. అదే విధంగా అర్హులైన అభ్యర్థులు ఈ పోస్టులకు దరఖాస్తు చేసే ముందు నోటిఫికేషన్ పూర్తిగా చదవాలని సూచించింది.
డీఎస్సీ/ టీచర్స్ రిక్రూట్మెంట్ టెస్ట్ (టీఆర్టీ) మొత్త పోస్టులు : 5,089
- అందులో సెకండరీ గ్రేడ్‌ టీచర్ పోస్టులు - 2575
- స్కూల్ అసిస్టెంట్‌ పోస్టులు -1739
- ఫిజికల్‌ ఎడ్యుకేషన్ టీచర్ పోస్టులు - 164
- లాంగ్వేజ్ పండిట్‌ పోస్టులు - 611ఉన్నాయి.
ఈ పోస్టుల్లో అత్యధికంగా హైదరాబాద్ జిల్లాలో 358, నిజామాబాద్ జిల్లాలో 309 ఖాళీలున్నాయి. అతి తక్కువగా పెద్దపల్లి జిల్లాలో 43, హనుమకొండలో 53 ఖాళీలు ఉన్నాయి.
డీఎస్సీ నోటిఫికేషన్ అర్హతలు(TS TRT Eligibility Criteria) : పోస్టును అనుసరించి ఇంటర్మీడియట్, డిగ్రీ, పీజీ, డీఎడ్, బీఈడీ, టెట్ ఉత్తీర్ణులై ఉండాలి.
వయోపరిమితి(TS DSC Age Limit) : ఈ నోటిఫికేషన్కు అప్లై చేసుకునే అభ్యర్థుల కనిష్ఠ వయస్సు 18 ఏళ్లు, గరిష్ఠ వయోపరిమితిని 44 ఏళ్లుగా నిర్ణయించారు. అలాగే ఎస్‌సీ, ఎస్‌టీ, బీసీ, ఈడబ్ల్యూఎస్ అభ్యర్థులు, రాష్ట్ర ప్రభుత్వ ఉద్యోగులకు ఐదు సంవత్సరాల వయోసడలింపు ఉంటుంది. అదేవిధంగా మాజీ సైనికోద్యోగులకు మూడేళ్లు, దివ్యాంగులకు పదేళ్ల వయోసడలింపు కల్పించింది.
అప్లికేషన్ ఫీజు(TRT Application Fee) : తెలంగాణ డీఎస్సీ రిక్రూట్మెంట్ కోసం అభ్యర్థులు దరఖాస్తు ఫీజుగా రూ.1000 చెల్లించాల్సి ఉంటుంది. అలాగే ఒకటి కంటే ఎక్కువ ఉద్యోగాల కోసం అప్లై చేసుకునే అభ్యర్థులు ప్రతి ఉద్యోగం కోసం వేర్వేరుగా ఫీజు చెల్లించాల్సి ఉంటుందనే విషయం గుర్తుంచుకోవాలి. ఇప్పటికే ప్రతి పోస్టుకు వేర్వేరు అప్లికేషన్స్ సమర్పించాల్సి ఉంటుందని తెలంగాణ విద్యాశాఖ వివరించింది.
Telangana Govt Approves 5089 Teacher Posts : డీఎస్సీ ద్వారా 5,089 పోస్టుల భర్తీకి ప్రభుత్వం అనుమతి
How to Apply for TS TRT Recruitment 2023 Online :
టీఎస్ డీఎస్సీ/టీఆర్టీ రిక్రూట్మెంట్ కోసం దరఖాస్తు చేసుకునే విధానం..
- మొదట మీరు తెలంగాణ స్కూల్ ఎడ్యుకేషన్ డైరెక్టరేట్ అధికారిక వెబ్‌సైట్‌ని schooledu.telangana.gov.in సందర్శించాలి.
- ఆ తర్వాత హోమ్‌పేజీలో కనిపిస్తున్న TS DSC TRT రిజిస్ట్రేషన్ లింక్‌పై క్లిక్ చేయాలి.
- అప్పుడు మీకు TS TRT రిక్రూట్మెంట్ 2023 కోసం దరఖాస్తు ఫారం ఓపెన్ అవుతుంది. దానిని జాగ్రత్తగా మీ వివరాలతో నింపాలి.
- ఆ తర్వాత నోటిఫికేషన్ ప్రకారం అవసరమైన పత్రాలను అప్‌లోడ్ చేసి, దరఖాస్తు ఫీజు చెల్లించాలి.
- ఇక చివరగా అప్లికేషన్ను సబ్మిట్ చేసి.. అనంతరం దానిని డౌన్‌లోడ్ చేసుకోవాలి.
పరీక్ష తేదీలు : అయితే ఈ నోటిఫికేషన్కు సంబంధించిన పరీక్షలు నవంబర్ 20 నుంచి 30వరకు సీబీటీ(కంప్యూటర్ బేస్డ్ టెస్ట్) విధానంలో పరీక్షలు నిర్వహించనున్నారు.
రాతపరీక్ష విధానం : ఆన్లైన్లో కంప్యూటర్ బేస్డ్ రిక్రూట్మెంట్ టెస్ట్ (సీబీఆర్‌టీ) పద్ధతిలో ఈ పరీక్షలు జరగనున్నాయి.
పరీక్ష కేంద్రాలు : హైదరాబాద్, రంగారెడ్డి, మహబూబ్ నగర్, మెదక్, నిజామాబాద్, ఆదిలాబాద్, కరీంనగర్, వరంగల్, ఖమ్మం, నల్లగొండ, సంగారెడ్డి జిల్లా కేంద్రాల్లో ఈ రిక్రూట్మెంట్ పరీక్షలు నిర్వహించనున్నారు.
TRT Notification Telangana 2023 : ఉపాధ్యాయ నియామక పరీక్ష నోటిఫికేషన్ విడుదల.. 20 నుంచి దరఖాస్తులు
'డీఎస్సీ మెరిట్ అభ్యర్థులకు ఉద్యోగాలిస్తామన్న ప్రభుత్వం ఇప్పుడు పట్టించుకోవట్లేదు'
