Formula E race In Hyderabad Car Display: హైదరాబాద్లో వచ్చే ఏడాది జరగనున్న ఫార్ములా ఈ రేస్ డెమో కారును ట్యాంక్బండ్పై హెచ్ఎండీఏ అధికారులు ఏర్పాటు చేశారు. ప్రతి వారం నగరంలో ప్రధాన సెంటర్ల వద్ద ఫార్ములా ఈ రేస్ డెమో షో ఏర్పాటు చేస్తామని హైదరాబాద్ గ్రోత్ కారిడార్ ఎండీ సంతోష్ వెల్లడించారు. హైదరాబాద్లో ఫార్ములా ఈ రేస్ వచ్చే సంవత్సరం ఫిబ్రవరి 11 న జరగనుందన్నారు. రేస్ కోసం ఎన్టీఆర్ మార్గ్లో 2.7 కిలోమీటర్ ట్రాక్ సిద్ధం చేస్తున్నామని చెప్పారు.
ఈ రేస్ తెలుగుతల్లి ఫ్లైఓవర్, ఎన్టీఆర్ మార్గ్ , మింట్ మీదుగా ఐమాక్స్ నుంచి తిరిగి.. ఎన్టీఆర్ మార్గ్ మీదుగా తెలుగు తల్లి ఫ్లై ఓవర్కు చేరుకుంటుందని సంతోష్ తెలిపారు. హైదరాబాద్ గ్లోబల్ సిటీగా ప్రమోట్ చేయడం కోసమే ఫార్ములా ఈ రేస్ నిర్వహిస్తున్నట్లు పేర్కొన్నారు. 30 వేల మంది ఈరేస్ను చూసేలా ప్లాన్ చేస్తున్నామని చెప్పారు. ఇప్పటికే ట్రాక్ నిర్మాణ పనులు సాగుతున్నట్లు చెప్పారు . నవంబర్లో టెస్ట్ డ్రైవ్ ఉంటుందని హైదరాబాద్ గ్రోత్ కారిడార్ ఎండీ సంతోష్ తెలియజేశారు.
ఇవీ చదవండి: 'కొత్త సీసాలో పాత సారాలా తెరాస, భాజపాలు ప్రజల ముందుకు వస్తున్నాయి'
భాజపాకన్నా 2 రెట్లు ఎక్కువ ఖర్చు.. ఫలితం శూన్యం.. పీకే స్కెచ్తో దీదీకి బిగ్ లాస్!
