హైప్రొఫైల్​ గాలం..

హైదరాబాద్​లో ఆఫీస్​... రెండు తెలుగు రాష్ట్రాల్లో ప్రతినిధులు ... శిక్షణ మాత్రం కొల్​కతాలో... ఉద్యోగమేమో ఎస్​బీఐ, ఆర్​ఆర్​బీ లాంటి ప్రభుత్వ రంగ కంపెనీల్లో...! నిరుద్యోగులను వల్లో వేసుకునేందుకు వాళ్లు చెప్పే హైప్రొఫైల్​ సమాచారం.

100 మంది బాధితులు...

ప్రభుత్వ ఉద్యోగాల పేరుతో మోసం చేస్తున్న అంతరాష్ట్ర ముఠాను పోలీసులు అరెస్టు చేశారు. నిందితుల నుంచి రూ.35 లక్షల విలువైన నకిలీ అపాయింట్‌మెంట్‌ లెటర్లు, ఓ కారు, రూ.10 లక్షల నగదు, ప్రింటర్స్, చరవాణులు స్వాధీనం చేసుకున్నారు. ఎస్‌బీఐ, ఆర్‌ఆర్‌బీ, ఐటీ విభాగాల పేర్లతో నకిలీ అపాయింట్‌మెంట్‌ లెటర్లు సృష్టించి సుమారు 100 మందిని మోసం చేసినట్లు పోలీసులు తెలిపారు.అందరిపై కఠిన చర్యలు...ప్రధాన నిందితున్ని 18 న అదుపులోకి తీసుకున్న పోలీసులు మరో నలుగుర్ని అరెస్టు చేశారు. మరో ఏడుగురు పరారీలో ఉన్నట్లు సీపీ తెలిపారు. రెండు తెలుగు రాష్ట్రాల నుంచి బాధితులు ఉన్నారని తెలిపారు.పలు చోట్ల సంస్థ ప్రతినిధులుగా ఉండి కొందరు వ్యక్తులు ఈ తతంగాన్ని నడిపిస్తున్నారన్నారు. ప్రమేయం ఉన్న ప్రతి ఒక్కరిపై కఠిన చర్యలు తీసుకోనున్నట్లు సీపీ స్పష్టం చేశారు.

ఇదీ చదవండి:ఎన్నాళ్లకెన్నాళ్లకు...!