నూతన విద్యా విధానం ద్వారా విద్యార్థుల్లో మేధాశక్తి పెరుగుతుందని హిమాచల్ప్రదేశ్ రాష్ట్ర గవర్నర్ బండారు దత్తాత్రేయ పేర్కొన్నారు. ప్రాథమిక విద్య పూర్తయ్యే సమయానాకి ఏదో ఒక వృత్తి విద్యా కోర్సును అభ్యసించే విధంగా ప్రణాళిక చేశామన్నారు. జూమ్యాప్ ద్వారా నూతన విద్యా విధానంపై నిర్వహించిన రౌండ్టేబుల్ సమావేశంలో ఆయన పాల్గొన్నారు. మాతృ భాషలో విద్యను అభ్యసించేలా ఈ నూతన విధానం రూపకల్పన చేసినట్లు ఆయన వివరించారు.
మాతృభాషలోనే విద్యా బోధన
చైనా, ప్రాన్స్, రష్యా, ఇటలీ, అరబ్ దేశాలతో పాటు సౌత్ కొరియాలోను మాతృ భాషలోనే విద్యా బోధన జరుగుతుందని తెలిపారు. నూతన విద్యా విధానాన్ని విద్యార్థులు సరళంగా నేర్చుకునేలా... రాజకీయాలకు దూరంగా ఉంచాలని సూచించారు. విద్యార్థులు పరిశోధనలు, ఇన్నోవేషన్స్ చేసేందుకు నేషనల్ రీసర్చ్ ఫౌండేషన్ ఏర్పాటు చేశామన్నారు. వర్చువల్ ల్యాబ్లను అందుబాటులోకి తీసుకొచ్చామని వివరించారు. యూజీసీ, ఎఐసీటీ, జాతీయ ఉపాధ్యాయ మండలిని కలిపి వీలీనం చేస్తామన్నారు. వర్సిటీలు, కళాశాలల్లో మరింత నాణ్యత పెంచే దిశగా చర్యలు తీసుకుంటున్నామని దత్తాత్రేయ పేర్కొన్నారు.
ఇదీ చూడండి: మరో ఘనతను సాధించిన శంషాబాద్ విమానాశ్రయం
