సచివాలయం కూల్చివేస్తున్న నేపథ్యంలో చుట్టుపక్కల ప్రాంతాల్లో ట్రాఫిక్ ఆంక్షలు విధించారు ఫలితంగా వాహనదారులు తీవ్ర ఇబ్బందులు పడుతున్నారు. లక్డీకపూల్ ప్రాంతంలో వాహనాలు భారీ స్థాయిలో స్తంభించిపోయాయి. దీనితో ట్రాఫిక్ క్లియర్ చేసేందుకు పోలీసులు అవస్థలు పడ్డారు.
సచివాలయం తెలుగు తల్లి ఫ్లైఓవర్ మీదుగా వెళ్లే వాహనాలను దారి మళ్లించడంతో.. అటుగా వెళ్ళే వాహనదారులను అసెంబ్లీ మీదుగా పోలీసులు మళ్లించారు. లక్డీకపూల్, ఖైరతాబాద్, అసెంబ్లీ, లిబర్టీ వరకు ట్రాఫిక్ ఆంక్షలు ఉన్న నేపథ్యంలో ట్రాఫిక్ జామ్తో వాహనదారులు ఇబ్బందులు పడ్డారు. ముందే సమాచారం అందిస్తే ఈ అవస్థలు ఉండవు కదా.. అంటూ వాహనదారులు అసహనం వ్యక్తం చేశారు.
ఇదీ చూడండీ: హైదరాబాద్లో ట్రాఫిక్ ఆంక్షలు... ఆ దారుల్లో వాహన రాకపోకలకు నో!
