ప్రతిభ కళాశాలల్లో 2021-22 విద్యా సంవత్సరం ఇంటర్మీడియట్ మొదటి సంవత్సరంలో ప్రవేశాల కోసం దరఖాస్తుల గడువును జనవరి 10 వరకు పొడిగించారు. ఈ మేరకు సాంఘిక సంక్షేమ గురుకుల సొసైటీ ప్రకటన విడుదల చేసింది. ఎస్సీ గురుకుల సొసైటీ పరిధిలోని 33 ప్రతిభ కళాశాలల్లో వచ్చే విద్యా సంవత్సరం ఎంపీసీ, బైపీసీ, ఎంఈసీ, సీఈసీ కోర్సుల కోసం దరఖాస్తు చేసుకోవాలని సొసైటీ కార్యదర్శి ఆర్ఎస్ ప్రవీణ్ కుమార్ తెలిపారు.
ప్రస్తుతం పదోతరగతి చదువుతున్న విద్యార్థులు అర్హులని పేర్కొన్నారు. సీఓఈ కాలేజీల్లో ప్రవేశం పొందిన విద్యార్థులకు జేఈఈ, నీట్, క్లాట్ తదితర పోటీ పరీక్షలకు ఉచితంగా శిక్షణ ఇస్తారు. పూర్తి వివరాల కోసం http://tswreis.in వెబ్సైట్ లేదా 1800 4254 5678 టోల్ ఫ్రీ నంబరు ద్వారా సంప్రదించాలని ప్రవీణ్ కుమార్ సూచించారు.
ఇదీ చదవండి: చెరువు మట్టి కింద కూరుకుపోయిన చిన్నారులు!
