Group-4 application process will start today: గ్రూప్-4 దరఖాస్తుల ప్రక్రియ నేడు ప్రారంభం కానుంది. నేటి నుంచి జనవరి 19 వ తేదీ సాయంత్రం 5 గంటల వరకు టీఎస్పీఎస్సీ దరఖాస్తులు స్వీకరించనుంది. గ్రూప్-4 విభాగంలో రాష్ట్రంలోని 25 విభాగాల్లోని 9 వేల 168 ఉద్యోగాలను భర్తీ చేయనున్నారు. వీటిలో 6 వేల 859 జూనియర్ అసిస్టెంట్, 429 జూనియర్ అకౌంటెంట్, 18 జూనియర్ ఆడిటర్, 1862 వార్డు అధికారుల పోస్టుల భర్తీ కానున్నాయి.
త్వరలోనే మరో 4 ప్రకటనలు వెలువరించేందుకు టీఎస్పీఎస్సీ కసరత్తు పూర్తి చేసింది. గ్రూప్-3 పోస్టులకు ప్రకటన జారీ చేసేందుకు అన్ని ఏర్పాట్లు పూర్తి చేసింది. అటవీ బీట్‌ అధికారి, డిగ్రీ లెక్చరర్‌, సహాయ మోటారు వెహికల్‌ ఇన్‌స్పెక్టర్‌ పోస్టులకు ప్రకటనలు జారీ చేయనుంది. వారం రోజుల్లోగా ఈ ప్రక్రియ పూర్తి చేసి నిరుద్యోగులు సన్నద్ధమయ్యేలా వెసులుబాటు కల్పించనుంది. గ్రూప్-2 పోస్టులకు నోటిఫికేషన్ ప్రభుత్వం జారీ చేసింది.
గ్రూప్-4లో ఉద్యోగాల వివరాలు
| ఉద్యోగం పేరు | ఖాళీల సంఖ్య |
| జూనియర్ అసిస్టెంట్ | 6859 |
| జూనియర్ అకౌంటెంట్ | 429 |
| జూనియర్ ఆడిటర్ | 18 |
| వార్టు అధికారులు | 1862 |
| మెుత్తం | 9168 |
- చివరి తేది జనవరి 19
ఇవీ చదవండి:
