గ్రేటర్ హైదరాబాద్ మున్సిపల్ కార్పొరేషన్ పరిధిలో చంద్రగిరినగర్ బస్తీని కంటెయిన్మెంట్ క్లస్టర్గా ప్రభుత్వం గుర్తించింది. చంద్రగిరినగర్ ప్రాంతంలో ఒకే ఇంట్లో ఐదుగురికి కరోనా సోకడం వల్ల అందులో దిల్లీ మర్కజ్ వెళ్లొచ్చిన వ్యక్తి ఇటీవలే మరణించాడు. ఈ ప్రాంతంలో పర్యటించిన అధికారులు చంద్రగిరినగర్ బస్తీని పూర్తిగా తమ ఆధీనంలోకి తీసుకున్నారు. బస్తీలోకి రాకపోకలను నిషేధించారు. బారికేడ్లు వేసి బయట వ్యక్తులు రాకుండా ఏర్పాటు చేశారు. ఈ ప్రాంతానికి మార్కెటింగ్ కమిటీ ద్వారా కూరగాయలను సరఫరా చేస్తామని, వీరికి నిత్యావసర సరుకులను అందిస్తామని అధికారులు పేర్కొన్నారు. జీడిమెట్ల పరిధిలోని అపురూపకాలనీలో ఓ అపార్టుమెంట్ను కూడా అధికారులు కరోనా ప్రభావిత ప్రాంతంగా గుర్తించారు.
ఇదీ చదవండి:'మందుబాబులు మారేందుకు ఇదే అద్భుత అవకాశం'
