గర్భిణికి సాయం చేసిన గోపాలపురం పోలీసులు

పురిటి నొప్పులతో ఆస్పత్రికి వెళ్లేందుకు ఇబ్బంది పడుతున్న ఓ గర్భిణిని గోపాలపురం పోలీసులు తమ వాహనంలో తరలించారు. కోఠి ప్రసూతి ఆస్పత్రిలో చేర్పించి తమ ఉదారత చాటుకున్నారు.

సికింద్రాబాద్ అంబేడ్కర్​నగర్​కు చెందిన సంగెం స్వాతి పురిటి నొప్పులతో ఆస్పత్రికి వెళ్లేందుకు వాహనం కోసం రోడ్డుపైకి వచ్చింది. ఎంతసేపటికి వాహనం దొరకకపోవడం వల్ల ఆమె తల్లి సమీపంలోని చెక్​పోస్టు వద్దకు వెళ్లి పోలీసుల సాయం కోరింది.

స్పందించిన గోపాలపురం ఇన్​స్పెక్టర్ సాయిఈశ్వర్ గౌడ్.. గర్భిణిని, ఆమె తల్లిని వాహనంలో పంపారు. కానిస్టేబుల్, హోంగార్డులను వారి వెంట పంపారు. కోఠిలోని ప్రసూతి ఆస్పత్రిలో ఆమెను చేర్పించారు. లాక్​డౌన్ సమయంలో తీరిక లేకుండా విధులు నిర్వహిస్తున్న పోలీసులు.. తమ సమస్య విని వెంటనే స్పందించి సాయం చేసినందుకు గర్భిణి తల్లి, బంధువులు వారికి కృతజ్ఞతలు తెలిపారు.

• ఇదీ చదవండి నదిలో మునిగిన నాటుపడవలు.. 8 మంది గల్లంతు