మీరు ఆర్థిక సమస్యలతో బాధపడుతున్నారా... మీ కుటుంబంలో ఇబ్బందులున్నాయా... వ్యాపారంలో నష్టపోతున్నారా... మీ చేతికి ఉన్న బంగారు ఉంగరం నా చేతిలో ఉన్న గిన్నెలో వేయండి. దానిని రెండుగా చేసి మీ చేతిలో పెడతాను అంటూ బంగారం కాజేసే ముఠా సికింద్రాబాద్లో సంచరిస్తుంది. మోసాలపై బాధితులు మహంకాళి పోలీసులకు ఫిర్యాదు చేశారు.
ప్రజలకు మాయమాటలు చెప్పి బంగారం కాజేస్తోన్న ముఠాపై వరుస ఫిర్యాదులతో పోలీసులు అప్రమత్తమయ్యారు. దొంగల ఆచూకీని తెలుసుకునేందుకు సీసీ ఫుటేజీలను పరిశీలించారు. రెండ్రోజుల క్రితం కొందరు వ్యక్తులను చిలకలగూడ పోలీసులు అరెస్టు చేసి... మహంకాళి పోలీసులకు అప్పగించారు. నిందితుల్లో ఒకరు బాలుడున్నట్లు సమాచారం. వీరు తెలుపు రంగు బట్టలు ధరించి తిరుగుతున్నారని... ప్రజలు అప్రమత్తంగా ఉండాలని పోలీసులు సూచించారు.
ఇదీ చూడండి : స్మృతి అనుచరుడి హత్య కేసులో ముగ్గురి అరెస్టు
