Smuggling Of Gold Worth RS.5.50 Crores In Railway Station In Telugu States: నిత్యం దేశ నలుమూల ఏదో ఒక విమానాశ్రయంలో బంగారం స్మగ్లింగ్ చేస్తూ పట్టుబడిన వ్యక్తులను చూస్తున్నాము. వారు అధికారుల కళ్లు కప్పి బంగారాన్ని తరలించేందుకు.. బంగారాన్ని పేస్ట్ రూపంలో మార్చిన, ఇస్ట్రీ పెట్టె రూపంలో, లోదుస్తుల్లో పెట్టడం వంటి వివిధ మార్గాలలో తరలించేవారు. ఇంత టెక్నాలజీ ఉన్నా ఈ రోజుల్లో బంగారం స్మగ్లింగ్ విషయంలో మాత్రం గెలవలేకపోతున్నారు.
ఈ తరహా స్మగ్లింగ్ కేసులను ఎక్కువగా శంషాబాద్ విమానాశ్రయంలోనే ఎక్కువగా చూస్తున్నాము. అయితే స్మగ్లర్లు రోజుకో టెక్నాలజీతో.. కొత్త దారులను వెతుక్కుంటూ కొత్త పుంతలను తొక్కుతున్నారు. విమాన మార్గాలకే పరిమితమైన బంగారం స్మగ్లర్లు.. ఇప్పుడు కొత్త దారులను కనుగొన్నారు. ఎక్కువగా రద్దీ ఉండే ప్రదేశాలను టార్గెట్గా చేసుకుంటూ వారి కార్యకలాపాలను సాగిస్తున్నారు. అయితే తాజాగా రైల్వేలను ఎంచుకుంటూ వారి కార్యకలాపాలను సాగించాలనుకున్నారు. తాజాగా పట్టుబడిన రెండు బంగారం స్మగ్లింగ్ కేసుల్లో పెద్ద మొత్తంలో బంగారాన్ని డైరెక్టరేట్ ఆఫ్ ఇంటెలిజెన్స్ రెవెన్యూ వారు పట్టుకున్నారు.
Rs.5 Crore Worth Of Gold Seized From Railway Station: ఈ నెల 8వ తేదీన సికింద్రాబాద్ రైల్వే స్టేషన్లో ఫలక్నుమా ఎక్స్ప్రెస్లో స్మగ్లర్లు తరలిస్తున్న బంగారాన్ని డీఆర్ఐ అధికారులు స్వాధీనం చేసుకున్నారు. ఇంటెలిజెన్స్ తెలిపిన వివరాల ప్రకారం.. సికింద్రాబాద్ రైల్వే స్టేషన్లో ఫలక్నుమా ఎక్స్ప్రెస్లో అనుమానాస్పదంగా కనిపించిన వ్యక్తిని సిబ్బంది గమనించారు. అతని బ్యాగ్లో నుంచి 2.314 కేజీల బంగారం స్వాధీనం చేసుకున్నారు. ఆ బంగారం విలువ సుమారు రూ.1.32 కోట్లుగా ఉంటుందని అధికారులు స్పష్టం చేశారు. అతను కోల్కత్తాకు చెందిన స్మగ్లర్గా గుర్తించి.. అతనిని అరెస్ట్ చేశామని డీఆర్ఐ అధికారులు తెలిపారు.
అయితే మరో కేసులో 7.396 కేజీల బంగారం లభ్యమయ్యిందని డీఆర్ఐ అధికారులు తెలిపారు. ఈ నెల 9వ తేదీన కోల్కతా నుంచి వస్తున్న హౌరా ఎక్స్ప్రెస్లో ఏపీలోని శ్రీకాకుళం రైల్వేస్టేషన్కు వచ్చిన వ్యక్తితో పాటు రైల్వే ప్లాట్ఫారమ్పైకి వచ్చిన ఆ వ్యక్తిని కలుసుకున్న వ్యక్తిని పోలీసులు అరెస్ట్ చేశారు. వారితో తీసుకొని వచ్చిన ట్రాలీ బ్యాగ్ లోపల జిప్ లైనింగ్ జేబులో 7.396 కేజీల 24 క్యారెట్లు బంగారాన్ని స్వాధీనం చేసుకున్నారు. దీని విలువ 8 బార్ల అనగా సుమారు రూ.4.21కోట్లు ఉంటుందని అంచనా వేశారు. అయితే అరెస్ట్ చేసిన నిందితులను ప్రశ్నించగా.. బంగ్లాదేశ్ నుంచి బంగారాన్ని స్మగ్లింగ్ చేసి కోల్కతాలోని బార్లలో కరిగించి ఇలా తరలిస్తున్నట్లు వెల్లడించారు. వారి ఇద్దరినీ అధికారులు జ్యూడిషియల్ కస్టడీకి తరలించారు. ఈ విషయంలో అధికారులు లోతుగా విచారిస్తున్నారు.
ఇవీ చదవండి:
