జీహెచ్ఎంసీలో ఏర్పాటు చేసిన కరోనా కంట్రోల్ రూమ్ను నగర మేయర్ గద్వాల విజయలక్ష్మి పరిశీలించారు. ఆసుపత్రుల్లో పడకల కోసం సంప్రదించిన బాధితులకు.. బెడ్ ఇప్పించే విధంగా తక్షణ చర్యలు చేపట్టాలని సిబ్బందిని ఆదేశించారు. అనంతరం నగరంలోని పలు ప్రాంతాల్లో ఆమె పర్యటించారు.
ఉస్మానియా ఆసుపత్రిని సందర్శించిన మేయర్.. హాస్పిటల్లో అందుతోన్న వైద్య సేవల గురించి రోగులను అడిగి తెలుసుకున్నారు. కొవిడ్ రోగులను.. మెరుగైన చికిత్స కోసం గాంధీ ఆసుపత్రికి తరలించాలని సూచించారు. హాస్పిటల్లో పారిశుద్ధ్య లోపాలను గమనించి.. చెత్తను తక్షణమే తరలించాల్సిందిగా సిబ్బందిని ఆదేశించారు. జియాగూడ, లంగర్ హౌజ్, గోల్కొండ, తదితర ప్రాంతాల్లో రోడ్డుకు ఇరువైపుల పేరుకుపోయి ఉన్న చెత్తను చూసి.. ప్రజలు పారిశుద్ధ్యంలో తమ వంతు బాధ్యత వహిస్తూ చెత్తను ఓపెన్ పాయింట్లలో వేయవద్దని విజ్ఞప్తి చేశారు.
ఇదీ చదవండి: కరోనాతో రాజన్న సిరిసిల్ల జిల్లా అదనపు కలెక్టర్ మృతి
