హైదరాబాద్ ఉప్పల్ న‌ల్లచెరువు నుంచి 1.20 కిలోమీట‌ర్ల పొడ‌వు నిర్మించ‌నున్న లింక్‌రోడ్‌తో... ఆస్తులు కోల్పోయే 27 మందితో జీహెచ్ఎంసీ మేయర్ బొంతు రామ్మోహ‌న్ ప్రత్యేకంగా చ‌ర్చించారు. న‌ల్లచెరువు ఎఫ్టీఎల్, బ‌ఫ‌ర్‌జోన్‌లో ఉన్న స్థలాల్లో నిర్మాణాల‌కు ప్రభుత్వం అనుమ‌తులు జారీచేయ‌డంలేద‌ని తెలిపారు. అలాంటిచోట్ల ఉన్న ఆస్తులకు నిబంధ‌న‌ల ప్రకారం ప‌రిహారం చెల్లించే అవ‌కాశంలేద‌ని వివ‌రించారు.
జీహెచ్ఎంసీ ద్వారా టీడీఆర్ జారీచేసే వెసులుబాటు ఉన్నట్లు మేయర్ తెలిపారు. కాబట్టి ఆస్తులు కోల్పోతున్నవారు టీడీఆర్లు తీసుకునేందుకు ఆలోచించుకోవాల‌ని సూచించారు. అన్ని అంశాల‌ను చ‌ర్చించుకొని వారంలో త‌మ నిర్ణయం చెప్పాలన్నారు. బల్దియా చేపడుతున్న అభివృద్ధి పనులకు స‌హ‌క‌రించాల‌ని బొంతు రామ్మోహ‌న్ విజ్ఞప్తి చేశారు.
ఇదీ చదవండి : భువనగిరిలో కేటీఆర్ పర్యటన.. పలు అభివృద్ధి పనులకు శ్రీకారం
