జీహెచ్ఎంసీ ఎన్నికల్లో గెలుపొందేందుకు భాజపా నాయకులు సర్జికల్ స్ట్రైక్ చేస్తామంటున్నారని ఎంఐఎం అధినేత, ఎంపీ అసదుద్దీన్ ఒవైసీ విమర్శించారు. సర్జికల్ స్ట్రైక్‌ను తిప్పికొట్టేందుకు డిసెంబర్‌ 1 పోలింగ్‌ తేదీన ప్రజలు ఓటేసి డెమెక్రటిక్ స్ట్రైక్‌తో సమాధానం చెప్పాలని కోరారు. ఎన్నికల ప్రచారంలో భాగంగా కార్వాన్‌, షేక్‌పేట్‌, మలక్‌పేట ప్రాంతాల్లో బహిరంగ సభల్లో ఆయన పాల్గొన్నారు.
ఈ ఎన్నికలు హైదరాబాద్‌-భాగ్యనగరం మధ్య జరుగుతున్నాయని పేర్కొన్నారు. హైదరాబాద్‌ పేరును సంస్కృతిని కాపాడుకునేందుకు ప్రతి ఒక్కరు కలిసిరావాలని విజ్ఞప్తి చేశారు.
ఇదీ చదవండి : బండి సంజయ్, అక్బరుద్దీన్పై కేసులు నమోదు చేసిన పోలీసులు
