RICHMOND VILLA LADDU RECORD: రాజేంద్రనగర్ బండ్లగూడ పరిధిలోని రిచ్మండ్ విల్లా కాలనీలో లడ్డూ ధర రాష్ట్రంలోనే కొత్త రికార్డు క్రియేట్ చేసింది. ఏకంగా బాలాపూర్ లడ్డూ, అల్వాల్ మరకత లక్ష్మీగణపతి లడ్డూ ధరనే దాటేసింది. ఈరోజు జరిగిన వేలంలో ఎవరూ ఊహించని రీతిలో లడ్డూ ధర రూ.60.80లక్షలు పలికింది. డాక్టర్ సాజీ డీసౌజా బృందం ఇంత భారీ మొత్తం వెచ్చించి లడ్డూను సొంతం చేసుకున్నారు.
గణనాథుని లడ్డూను దక్కించుకోవడం ఎంతో సంతోషంగా ఉందని సాజీ డీసౌజా తెలిపారు. కులం, మతం కన్నా మానవత్వమే ముఖ్యమని అన్నారు. లడ్డూ వేలం పాటలో వచ్చిన డబ్బులను.. ఆర్వీ దియా ఛారిటబుల్ ట్రస్ట్ ద్వారా పేద ప్రజల సంక్షేమం కోసం ఉపయోగిస్తామని చెప్పారు. ఇదిలా ఉండగా సికింద్రాబాద్ పరిధిలోని అల్వాల్ మరకత లక్ష్మీగణపతి లడ్డూను రూ.46 లక్షలకు వెంకట్రావు దంపతులు, బాలాపూర్ లడ్డూను రూ.24 లక్షల 60 వేలకు ఉత్సవ సమితి సభ్యుడు వంగేటి లక్ష్మారెడ్డి దక్కించుకున్న విషయం తెలిసిందే.
ఇవీ చదవండి: రాష్ట్రంలోనే రికార్డు ధర పలికిన మరకత గణపతి లడ్డూ.. 'బాలాపూర్' ఔట్..
బాలాపూర్ లడ్డూకు ఈసారీ రికార్డు ధర.. 1994 నుంచి ఇప్పటివరకు ఇలా..
