తొమ్మిది రోజుల్లో... ఒకే కుటుంబంలో నలుగురు మృతి

హైదరాబాద్​ అంబర్​పేటలో తొమ్మిది రోజుల్లో ఒకే కుటుంబానికి చెందిన నలుగురు మృతిచెందారు. తల్లిదండ్రుల అకాల మరణం జీర్ణించుకోలేక ఈనెల 11న వారి పిల్లలు ఆత్మహత్యకు పాల్పడ్డారు. కుమారుడు ఈనెల 15నే మరణించగా.. కుమార్తె నిన్న తుదిశ్వాస విడిచింది.

హైదరాబాద్​ అంబర్​పేట డీడీ కాలనీలో తీవ్ర విషాదం చోటు చేసుకుంది. తొమ్మిది రోజుల వ్యవధిలో ఒకే కుటుంబానికి చెందిన నలుగురు మృత్యువాత పడ్డారు.

తల్లిదండ్రుల అకాల మరణం తట్టుకోలేని వారి కుమార్తె, కుమారుడు నిఖిల్​ కర్బందా, మన్ను కర్బందా ఈనెల 11న శీతల పానీయంలో నిద్రమాత్రలు కలుపుకొని ఆత్మహత్యకు పాల్పడ్డారు. ఇది గమనించిన స్థానికులు గాంధీ ఆస్పత్రికి తరలించారు. ఆరోగ్యం విషమించి ఈనెల 15న నిఖిల్​ మరణించగా.. మృత్యువుతో పోరాడి మన్ను కర్బందా నిన్న సాయంత్రం మూడు గంటలకు తుదిశ్వాస విడిచింది. కేవలం తొమ్మిది రోజుల వ్యవధిలోనే కుటుంబ సభ్యులంతా మరణించడం వల్ల అంబర్​పేట డీడీ కాలనీలో విషాద ఛాయలు అలుముకున్నాయి. బంసిలాల్​పేట స్మశానవాటికలో మన్ను అంత్యక్రియలు నిర్వహించారు.

ఇవీచూడండి: భార్యపిల్లలను వేధించాడు... ఉరేసుకున్నాడు