బాలాపూర్​ లడ్డూ రికార్డు బద్దలు కొట్టిన ఫిలింనగర్​ లడ్డూ...!

గణపతి లడ్డూ అంటే గుర్తొచ్చేది బాలాపూరే. ఏటా జరిగే వేలం పాటలో దిమ్మతిరిగే ధర పలుకుతూ... వినాయకుని ప్రసాదాన్ని చాలా ఖరీదు చేస్తోంది. కానీ... బాలాపూర్​ గణనాథుని లడ్డే కాదు నా లడ్డూ... చాలా కాస్ట్లీ అంటున్నాడు ఫిలింనగర్​లోని వినాయక్​నగర్​ గణేశుడు. నగరంలో తనదే అతి ఖరీదైన లడ్డూగా రికార్డు నమోదు చేశాడు.

హైదరాబాద్​ బాలాపూర్ లడ్డూకు ఎంత ప్రాముఖ్యత ఉందో అది గత కొన్ని దశాబ్దాలుగా పలికే ధరను చూస్తేనే తెలుస్తుంది. ఏడాదికేడాది బాలాపూర్​ లడ్డూ ధర అమాంతం పెరుగతూ... అందరినీ అశ్చర్యపరుస్తుంది. అలాంటిది... ఈ సారి ఏకంగా రూ.17 లక్షల 60 వేలు పలికింది. కానీ... ఫిలింనగర్​లోని వినాయక్​నగర్​ బస్తీ గణపతి లడ్డూ ఆ రికార్డును బద్దలు కొటింది. ఎవరూ ఊహించని విధంగా రూ.17 లక్షల 75 వేలు పలికి నగరవాసుల్ని ఆశ్చరచకితుల్ని చేసింది. ఈ ఖరీదైన లడ్డూను భాజపా నాయకుడు గోవర్ధన్‌ దక్కించుకుని అందరి దృష్టిని ఆకర్షించారు. గతేడాది కూడా రూ.15.1 లక్షలు పలికిన వినాయక్ నగర్ లడ్డూ... నగరంలో రెండో స్థానంలో నిలిచింది.

ఇవీ చూడండి: "భళా"పూర్... రూ.450తో మొదలై 17.60 లక్షలకు లడ్డూవేలం