Fake NRI Cheating Police Officers in Hyderabad : సాధారణంగా కేడిగాళ్ల చేతిలో జనాలు మోసపోయారన్న వార్తలను తరచూగా వింటుంటాం. మోసపోయిన వ్యక్తులు సదరు నిందితుణ్ని పట్టుకోవాలంటూ పోలీసు స్టేషన్లలో ఫిర్యాదు చేస్తుంటారు. అలా తాను కూడా ఇతరుల చేతిలో మోసపోయానంటూ ఫిర్యాదు చేయడానికి వచ్చానంటూ ఓ వ్యక్తి పోలీసులనే మోసం చేశాడు. తను విదేశీయుడినని, ఆటోడ్రైవర్ల చేతిలో మోసపోయానని పోలీసులతో నమ్మబలికాడు.
ఆకతాయి ఒక్కడంట చిల్లరంత మూట గట్టి - దూకేను గోడలంట దుమ్ముకొట్టి కళ్లలోన దొంగ దొంగ
ప్రస్తుతం తన చేతిలో చిల్లిగవ్వ కూడా లేదని పోలీసుల ముందు అమాయకంగా నటించాడు. ఇదంతా నిజమనుకున్న పోలీసులు జాలిపడి అతని ఖర్చులకు డబ్బులు ఇచ్చారు. ఇందులో విశేషం ఏం ఉందనుకుంటున్నారా? అసలు ట్విస్టు ఇక్కడే ఉంది. ఇదే మాదిరి ఒకటి కాదు, రెండు కాదు మూడు పోలీసు స్టేషన్లలో తన యాక్టింగ్ రిపీట్ చేశాడు. సదరు వ్యక్తిపై అనుమానం వచ్చిన పోలీసులు విచారణ చేపట్టిన అనంతరం షాక్ అయ్యారు. నిందితుడు పోలీసు అధికారులకు మాయమాటలు చెప్పడం వారి నుంచి డబ్బులు తీసుకుని పరారు కావడం ఇదే తంతుగా కొనసాగిస్తున్నాడని తమ విచారణలో తేలింది. మోసగాళ్లకే మోసగాడిలా మారిన సదరు వ్యక్తిపై మధురానగర్ పోలీసులు కేసు నమోదు చేసుకుని నిందుతుడి కోసం గాలిస్తున్నారు.
నాగర్కర్నూల్లో నరహంతకుడి అరెస్ట్ - విచారణలో విస్తుపోయే నిజాలు
Belgium Fake NRI DeSilva cheat Police : తెలంగాణ నూతన ముఖ్యమంత్రి రేవంత్ రెడ్డిని చూసేందుకు బెల్జియం నుంచి వచ్చానంటూ దిసిల్వా అనే యువకుడు మాయమాటలు చెప్పి పోలీసుల నుంచి డబ్బులు కాజేశాడు. ఇటీవల ఈ యువకుడు జూబ్లీహిల్స్ పోలీస్ స్టేషన్కి వెళ్లి కొందరు ఆటో డ్రైవర్లు తనను కిడ్నాప్ చేసి ఫోన్, ల్యాప్టాప్ లాగేసుకున్నారని ఫిర్యాదు చేశాడు. ప్రస్తుతం తన దగ్గర డబ్బులేమి లేవని ఆకలేస్తుందని అక్కడి పోలీసులతో 500 రూపాయలను తీసుకుని వెళ్లిపోయాడు.
రెండు రోజుల తర్వాత మధురానగర్ పోలీస్ స్టేషన్కి వెళ్లి మరో కట్టుకథ అల్లి అక్కడి పోలీసు అధికారుల నుంచి 1000 రూపాయలు తీసుకున్నాడు. అంతకు ముందు కూడా భువనగిరి పోలీసులకు సైతం ఇలాంటి నకీలీ ఫిర్యాదులు చేస్తూ 1000 రూపాయలు తీసుకున్నాడు. చివరకు మోసపోయామని గ్రహించిన మధురానగర్ పోలీసులు నకిలీ బెల్జియం దేశస్థుడైన దిసిల్వాపై చీటింగ్ కేసు నమోదు చేసి పరారీలో ఉన్న అతడి పట్టుకునేందుకు ప్రయత్నిస్తున్నారు. పోయింది చిన్న మొత్తమే అయినా తమపై మోసం చేయటంతో నిందితుడిని ఎలాగైనా పట్టుకోవాలని పోలీసులు పట్టుదలగా ఉన్నారు.
పట్టపగలే ఎంత పనిచేశావయ్యా - బైక్ బ్యాగ్లో నుంచి డబ్బు కాజేసిన దొంగ
