కంప్యూటర్ యుగంలో ఏది నమ్మాలో.. ఏది నమ్మకూడదో అంతుపట్టని పరిస్థితి. మోసమని గుర్తించే లోపే.. ఖాతాల్లో ఉన్న డబ్బు మాయమై పోతున్నది. ఇలాంటి ఘటనే హైదరాబాద్లో సైబర్ క్రైమ్ పోలీస్ స్టేషన్ పరిధిలో చోటు చేసుకుంది. శ్రీ నగర్ కాలనీకి చెందిన రాజ్యలక్ష్మి స్థానికంగా ఉన్న ఓ ప్రైవేటు పాఠశాలలో పని చేస్తున్నారు. ఇటీవల కాలంలో తమ విద్యాసంస్థల అధినేత పంపినట్లుగా రాజ్యలక్ష్మికి ఓ ఫేక్ మెయిల్ అందింది.
అందులో సూచించినట్టుగా.. ఒకసారి రూ.70 వేలు, మరోసారి రూ.30 వేల విలువైన అమేజాన్ గిఫ్టు కార్డులు కొని పంపించారు. మళ్లీ రెండు గిఫ్టు కార్డులు పంపాల్సిందిగా.. మరో మెయిల్ వచ్చింది. అప్రమత్తమైన రాజ్యలక్ష్మి సంస్థ అధినేతకు ఫోన్ చేసి విషయం చెప్పారు. అలాంటి మెయిల్స్ తానెప్పుడూ చేయలేదని ఆయన చెప్పగా.. వెంటనే ఆమె సైబర్ పోలీసులను ఆశ్రయించారు. బాధితురాలి ఫిర్యాదు మేరకు సైబర్ క్రైమ్ పోలీసులు కేసు నమోదు చేసుకొని దర్యాప్తు చేస్తున్నారు.
ఇదీ చూడండి : 'తారక్.. మీ అభిమానులు నన్ను వేధిస్తున్నారు'
