ప్రభుత్వం పగ సాధిస్తోంది : మాజీ ఎమ్మెల్సీ రాములు నాయక్

ప్రభుత్వం కావాలనే తనపై కేసులు పెట్టి.. కక్ష సాధింపు చర్యలకు దిగుతోందని మాజీ ఎమ్మెల్యే రాములు నాయక్​ అన్నారు. తెలంగాణ ఉద్యమంలో పాల్గొన్న తనపై సీఎం కేసీఆర్​ కావాలని కేసులు పెట్టి వేధిస్తోందని ఆరోపించారు.

ప్రభుత్వం తనపై ఉద్ధేశపూర్వకంగాని కేసులు పెట్టి వేధిస్తోందని మాజీ ఎమ్మెల్సీ రాములు నాయక్​ అన్నారు. తెలంగాణ రాష్ట్రం కోసం ఉద్యమంలో పాల్గొన్న తనపై సీఎం కేసీఆర్ కేసులు పెట్టిస్తున్నాడని ఆరోపించారు. గత 13 నెలల క్రితం ఎర్రగడ్డ ప్రాంతంలో జరిగిన చిన్నపాటి గొడవకు తనపై ఎఫ్​ఐఆర్ నమోదు చేసి.. పోలీస్​ స్టేషన్​ చుట్టూ కావాలనే తిప్పుతున్నారని ఆయన ఆగ్రహం వ్యక్తం చేశారు. ఈ మేరకు ఆయన ఎస్సార్​ నగర్​ పోలీస్​ స్టేషన్​కు వెళ్లారు.

ఎన్ని కేసులు పెట్టినా భయపడనని.. ప్రభుత్వం తప్పులను ఎత్తి చూపుతానని అన్నారు. గతంలో జరిగిన గొడవ కేసు పెండింగ్​లో ఉందని కోర్టుకు హాజరు కాకపోవడం వల్ల ఠాణాకు పిలిపించి నోటీసులు ఇచ్చినట్లు సీఐ సైదులు తెలిపారు.

ఇదీ చదవండి: మృత్యు కుహరాలుగా మారుతున్న నాలాలు