వచ్చే ఏడాది ఫిబ్రవరిలో తమ మొదటి ఈ-వాహనాన్ని భారత మార్కెట్లో ఆవిష్కరిస్తున్నట్లు చైనాకు చెందిన ఈవీ కంపెనీ డావో ప్రకటించింది. విద్యుత్ ద్విచక్ర వాహన విభాగంలో 25 సంవత్సరాలకు పైగా అంతర్జాతీయ అనుభవం గల డావో ఈవీ టెక్ హైదరాబాద్లో నిర్వహించిన ఓ సమావేశంలో దీనిని వెల్లడించింది. ఇందుకు సంబంధించిన ప్లాంట్ను తెలుగు రాష్ట్రాల నుంచే ఆపరేట్ చేయనున్నట్లు కంపెనీ ఛైర్మన్ అండ్ సీఈవో మైఖేల్ లియు పేర్కొన్నారు.
నగరాలను కాలుష్య కోరల నుంచి కాపాడేందుకు.. అభిరుచి గల యువతను ఆకట్టుకునేందుకు విద్యుత్ ఈవీ బైక్ మార్కెట్ దోహదపడుతుందని కంపెనీ భారత సీఎఫ్వో అచ్యుతుని బాలాజీ తెలిపారు. లో స్పీడ్, హై స్పీడ్ వేరియంట్ లలో లభ్యమయ్యే డావో ఈ-బైకులు చైనాలో 150కు పైగా రకాలలో అందుబాటులో ఉన్నాయని.. వీటిలో వీలైనన్ని ఎక్కువ మోడళ్లను ఇండియాకు తీసుకువచ్చేందుకు ప్రయత్నిస్తున్నామని ఆయన తెలిపారు.
ఇదీ చూడండి: కొలను కాలుష్యంపై కౌంటర్ దాఖలుకు హైకోర్టు ఆదేశం
