E Formula One race has ended on first day: హుసేన్ సాగర్ తీరాన రయ్యిమంటూ దూసుకుపోయే ఫార్ములా కార్ రేసింగ్ లీగ్ ఫైనల్స్కు హైదరాబాద్ వేదికైంది. ఇండియన్ రేసింగ్ లీగ్ ఫైనల్స్ మొదటి రోజు మెయిన్ రేస్ పోటీలు జరగలేదు. 2.7 కిమీల హైదరాబాద్ స్ట్రీట్ సర్క్యూట్లో ఈరోజు కేవలం రెండు ఫ్రీ ప్రాక్టీస్ రేస్లను మాత్రమే నిర్వాహకులు నిర్వహించారు. ఆదివారమే అన్ని పోటీలు పెట్టే యోచనలో నిర్వహకులు ఉన్నట్లు సమాచారం.
మొదటి రోజు ఉదయం 11గంటలకు ప్రారంభంకావలసిన రేసింగ్.. ఆలస్యంగా ప్రారంభమయ్యాయి. అయితే ఉదయం 11గంటలకు ఒక ఫ్రీ ప్రాక్టీస్ సెషన్.. మధ్యాహ్నం 1గంటకు రెండవ ఫ్రీ ప్రాక్టీస్ సెషన్లు జరిగాల్సి ఉండగా.. అవి కాస్త చాలా ఆలస్యంగా 4 గంటలు తర్వాత జరిగాయి. మధ్యాహ్నం రేసింగ్ ప్రారంభమైన తరవాత రెండు కార్లు రేస్ మధ్యలో ఆగిపోవడంతో రెండుసార్లు రెడ్‌ ఫ్లాగ్స్‌ వచ్చాయి.
సాంకేతిక కారణాలతో స్పోర్ట్స్‌ కార్లు చాలా ఆలస్యంగా ట్రాక్ ఎక్కాయి. రేపు ఇండియన్ రేసింగ్ లీగ్‌లో మూడు క్వాలి ఫైయింగ్ రేస్లు ఉంటాయి. రేపు జరిగే ఇండియన్ రేసింగ్ క్వాలిఫైయింగ్ పైనే అందరి చూపు ఉంది. రేసింగ్ను చూసేందుకు వచ్చే వీక్షకులు ఇవాళ తక్కువగానే ఉన్నా... రేపు పెద్ద మొత్తంలో హాజరు అవుతారన్న ఆశాభావం నిర్వాహకుల్లో ఉంది.
ఇవీ చదవండి:
