ఆక్సిజన్ అందక కొవిడ్ బాధితులు మృతి చెందుతున్నారని వస్తున్న వార్తల్లో నిజం లేదని డీఎంఈ రమేశ్ రెడ్డి పేర్కొన్నారు. హైదరాబాద్ కింగ్ కోఠి ఆస్పత్రిని ఆయన సందర్శించారు. ఆక్సిజన్ సరఫరాను 24 గంటల పాటు పర్యవేక్షించడానికి ప్రత్యేకంగా ఐఏఎస్ కమిటీ ఉందని తెలిపారు. రోగుల ఆరోగ్య పరిస్థితి బాగాలేదని... పరిస్థితి విషమించడంతోనే మరణిస్తున్నారని తెలిపారు.
ఎక్కడ ఆక్సిజన్ అవసరమున్నా... వెంటనే అందించే ప్రణాళికలు పక్కాగా అమలు చేస్తున్నామన్నారు. ఆక్సిజన్ లేకున్నా... నాలుగైదు గంటలపాటు వినియోగించుకునే సాంకేతికత అందుబాటులో ఉందని రమేశ్ రెడ్డి తెలిపారు. ప్రభుత్వాసుపత్రుల్లో పడకలకు సంబంధించి ఎప్పటికప్పుడు వివరాలు తెలియజేస్తున్నామన్నారు.
ఆ రోగులు ఆక్సిజన్ అందక చనిపోలేదు: డీఎంఈ రమేశ్ రెడ్డి
ఇదీ చూడండి: సరిహద్దులో పోలీసుల ఆంక్షలు.. బాధితుల విజ్ఞప్తులు..
