భాజపా జాతీయ ఉపాధ్యక్షురాలు డీకే అరుణ కాంగ్రెస్ నేత విక్రమ్ గౌడ్తో భేటీ అయ్యారు. మాజీ మంత్రి ముఖేష్ గౌడ్ కుమారుడు విక్రమ్ గౌడ్ను భాజపాలోకి ఆహ్వానించామని డీకే అరుణ తెలిపారు. తమ పార్టీలోకి వస్తే సముచిత స్థానం కల్పిస్తామని.. యువ నాయకుడైన విక్రమ్ గౌడ్కు రాజకీయ భవిష్యత్తు ఉందన్నారు. ఆయన చేరిక వల్ల పార్టీకి, ప్రజలకు మేలు జరుగుతుందని.. విక్రమ్ తండ్రి ముఖేష్ గౌడ్తో మంత్రిగా పని చేసిన చనువుతో తాము ముందుకొచ్చి ఆహ్వానించామని పేర్కొన్నారు.
త్వరలో విక్రమ్ తన నిర్ణయాన్ని వెల్లడిస్తానని తెలిపారని ఆమె పేర్కొన్నారు. కార్యకర్తలు, ప్రజల శ్రేయస్సు కోసం పార్టీ మారాలని నిర్ణయించుకున్నానని.. ఏ పార్టీలో ఎప్పుడు చేరుతాననే విషయాన్ని త్వరలోనే వెల్లడిస్తానని విక్రమ్ గౌడ్ స్పష్టం చేశారు. అంతకు ముందు ఎంజే మార్కెట్లోని విక్రమ్ గౌడ్ నివాసంలో... కాంగ్రెస్ సీనియర్ నేత వీహెచ్ ఆయనను బుజ్జగించే ప్రయత్నం చేశారు.
ఇదీ చూడండి: రాష్ట్రాన్ని కాపాడే బాధ్యత గ్రేటర్ ప్రజలపైనే ఉంది: కిషన్ రెడ్డి
